Прайграная гульня з «Юнацтвам» пакінула асадак у заўзятараў «Нёмана». Многія ішлі на матч з «Шахцёрам», што адбыўся 2 лютага, з упэўненасцю, што гаспадары прадэманструюць зусім іншую гульню, чым з мiнскай камандай. Так і атрымалася. «Нёман» на працягу ўсяго матчу стараўся гуляць у моцны хакей і заслужана абыграў салігарчан з лікам 3:0
Першы перыяд у каманд атрымаўся баявы, але з мінімальнай колькасцю кідкоў. Пад занавес дваццаціхвілінкі гаспадары актывізаваліся, але закінуць ім так і не ўдалося.
Старт другога перыяду пачаўся з момантаў каля варот «Нёмана», але ўжо праз некалькі хвілін гродзенцы зноў завалодалі ініцыятывай, што і прынесла свой плён. Спачатку на 26-й хвіліне вызначыўся Стэфановіч. А за 5 секунд да канца перыяду Коршунаў падвоіў перавагу гродзенцаў.
У трэцім перыядзе, гульцы «Шахцёра» шмат кідалі па варотах Труса, але ў гэты вечар ім не было наканавана адрозніцца. Кропку ў матчы на 29 -й хвіліне паставіў Дадонаў.
«Нёман» — «Шахцёр» 3:0 (0:0, 2:0, 1:0)
галы:
26.47 1:0 — Стэфановіч (Брыкун, Рэмезаў)
39.55 2:0 — Коршунаў (Баярчук, С.Маляўка, — бол.)
48.39 3:0 — Дадонаў (Стэфановіч, Рэмезаў)
Пасля матчу галоўны трэнер «Нёмана» Сяргей Пушкоў адзначыў, што каманды на працягу ўсёй гульні добра рухаліся, але не ўсё у iх атрымлівалася. Вынікам Пушкоў застаўся задаволены і павіншаваў сваю каманду з перамогай.
У турнірнай табліцы без зменаў. «Юнацтва» працягвае ісці на першым месцы з 93 ачкамі. У «Нёмана» 86 ачкоў.
Наступную гульню гродзенцы правядуць таксама супраць «Шахцёра», толькі ўжо ў Салігорску. Матч пройдзе ў суботу, 4 лютага.
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…
Віцэ-спікер Сената Польшчы Мацей Жыўна ўмяшаецца ў пытанне з закрытай мяжой. Ён звернецца ў Міністэрства…
Мост праз Юрысдыку на вуліцы Філарэта (былая Горкага) ў Гродне чакае капітальны рамонт. У час…
У Лідзе сілавікі затрымалі пяць чалавек. Гродзенку Валерыю Латаш судзілі за атрыманне замежнай дапамогі. Бондарава…
9 траўня ў Гродне адбудзецца маштабнае святкаванне Дня Перамогі. У 2024 годзе ў Беларусі адзначаюць…
У новым мікрараёне на Лідскай пачалі будаўніцтва гандлёва-грамадскага цэнтру. Ён размесціцца перад кальцом, з боку…