Беларусь прапаноўвае Польшчы супрацоўніцтва ў пытаннях паставак электраэнергіі з будучай АЭС у краіны Еўрасаюза. Пра гэта заявіў 24 кастрычніка прэм’ер-міністр Беларусі Андрэй Кабякоў на сустрэчы з намеснікам старшыні Савета міністраў, міністрам развіцця і фінансаў Польшчы Матэвушам Маравецкім, перадае БЕЛТА.
«Беларусь плануе ў 2018 годзе ўвесці першы энергаблок атамнай электрастанцыі ў Астраўцы. Думаю, мы маглі б вельмі добра супрацоўнічаць у пытаннях пастаўкі электраэнергіі з Беларусі ў Еўрапейскі саюз, і польскі бок мог бы скарыстацца гэтай электраэнергіяй або транзітаваць яе далей у Еўрапейскі саюз, — сказаў кіраўнік беларускага ўрада. — Гэта тэма актыўна ў свой час вывучалася, і, я думаю, яна мае перспектыву».
[irp posts="1510″ name="За час узвядзення БелАЭС на будпляцоўцы было 10 няшчасных выпадкаў, тры з іх — смяротных"]
Супрацоўніцтва ў энергетыцы можа стаць адным з перспектыўных напрамкаў узаемадзеяння дзвюх краін, адзначыў Андрэй Кабякоў.
Беларусь разлічвае на актывізацыю і сур’ёзны рух наперад ва ўзаемаадносінах з Польшчай. У бягучым годзе краіны актывізавалі двухбаковы дыялог. Новы імпульс атрымала міжведамаснае супрацоўніцтва, перш за ўсё паміж міністэрствамі сельскай гаспадаркі, прыродных рэсурсаў і аховы навакольнага асяроддзя, а таксама ўладамі прыгранічных рэгіёнаў.
[irp posts="594″ name="Улады Падляшша хочуць зрабіць свой рэгіён бязвізавым для беларусаў"]
Урад Беларусі чакае развіцця далейшага ўзаемавыгаднага партнёрства з Польшчай і пры гэтым прапануе вызначыць пункты росту для павелічэння тавараабароту. «Мы б хацелі, каб вынікам нашай працы стала знаходжанне новых кропак росту, якія спрыялі б павелічэнню нашага гандлёвага абароту», — рэзюмаваў прэм’ер-міністр.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…