У клубе «Пушкін» упершыню прайшла новая для Гродна гульня «Галоўныя песні аб галоўным». 23 кастрычніка ўдзельнікам прыходзілася адгадваць мелодыі, зусім як у старых тэлепраграмах з 90-х гадоў. Гродна стаў другім пасля Мінска горадам, дзе апрабавалі гэтую гульню.
Арганізатар музычнай гульні - Уладзімір Зубелiк. Ён таксама займаецца інтэлектуальнай віктарынай «PubQuiz».
«Галоўныя песні аб галоўным» гэта камандная гульня, якая складаецца з некалькіх конкурсных тураў, аб’яднаных музычнай тэматыкай. Гэта музычнае каманднае шматбор’е, на якое можна сабраць сваіх сяброў, знаёмых ці сваякоў. Мы прапануем перанесціся ў праграму «Угадай мелодыю» ці «Два раялі». Мы кожнаму даём магчымасць паспрабаваць сябе ў музычнай бітве".
Рэжысёр «Цэнтра культуры Гродна» Андрэй Чэпялюк быў адным з першых удзельнікаў новай гульні. Ён застаўся задаволены навінкай і ўжо гатовы прыйсці на наступную музычную бітву.
«Першая гульня прайшла добра. У адрозненні ад музычных тураў у аналагічных гульнях, тыпу „Мазгабойнi“, тут радуе рознабаковы і ў той жа час досыць шырокавядомы матэрыял з лёгкім ухілам у „рэтра“. Падыход арганізатараў да музычнага матэрыялу таксама радуе. Каб мець высокія балы мала быць меламанам — неабходны і пэўны ўзровень эрудыцыі».
Гульня «Галоўныя песні аб галоўным» складаецца з шасці тураў, у кожным — пэўная тэма і заданні. Не заўсёды трэба будзе адгадваць мелодыю — недзе будуць пытанні звязаныя з артыстамі і іх творчасцю. Кожную гульню заданні будуць мяняцца.
Гульні будуць праводзіць кожную нядзелю, двойчы ў дзень, у клубе «Пушкін». Каманды складаюцца з 4−8 чалавек. Унёсак кожнага ўдзельніка 4 рублі.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…