Гродзенскі абласны суд прыгаварыў да 10 гадоў пазбаўлення волі пасажыра таксі, які спрабаваў забіць і абрабаваць кіроўцу. Злачынства адбылося ў красавіку гэтага года. Пацярпелы не толькі абяззброіў нападніка, але і перадаў яго супрацоўнікам міліцыі, пішуць Naviny.by.
Падзеі адбываліся паблізу аўтазаправачнай станцыі па вул. Ткацкай у Гродне. Як паведамлялі раней ва УСК па Гродзенскай вобласці, 32-гадовы пасажыр нанёс таксісту ўдар нажом у шыю. У момант здзяйснення злачынства мужчына знаходзіўся ў стане алкагольнага ап’янення. Для нападу ён выкарыстаў кухонны нож. Супрацьпраўныя дзеянні спыніў толькі пасля актыўнага супраціву таксіста, які спачатку зламаў клінок нажа, а затым ужыў фізічную сілу.
У выніку мужчына быў прызнаны вінаватым у замаху на забойства, спалучанае з разбоем. І прысуджаны да 10 гадоў пазбаўлення волі з адбываннем пакарання ў калоніі ўзмоцненага рэжыму. Пра гэта паведаміў прадстаўнік Гродзенскага абласнога суда Павел Варэйка.
Характэрна, што абвінавачаны раней ужо быў судзімы за разбой.
Прысуд у законную сілу не ўступіў і можа быць абскарджаны ў Вярхоўным судзе.
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…