Дадаць навіну
Панядзелак, 15 кастрычніка 2018, 21:31
Усе мерапрыемствы

Выстаўка “Казкі і паданні майго краю”

Выстаўка “Казкі і паданні майго краю”

10 красавіка ў 16:00 у выставачнай зале Гродзенскага абласнога метадычнага цэнтра народнай творчасці (г. Гродна, вул. Савецкая, 8) адкрыецца абласная выстаўка-конкурс дэкаратыўна-прыкладнога і выяўленчага мастацтва “Казкі і паданні майго краю”.

Мерапрыемства праводзіцца з мэтай адраджэння, захавання і папулярызацыі вуснай народнай творчасці Гродзеншчыны сродкамі выяўленчага і дэкаратыўна-прыкладнога мастацтва праз вобразы казачных герояў, міфічных істот, якія яскрава раскрываюць сутнасць мясцовых легенд і паданняў.

На выстаўцы-конкурсе будуць прадстаўлены работы ўдзельнікаў гурткоў і студый выяўленчага і дэкаратыўна-прыкладнога мастацтва, вучняў дзіцячых мастацкіх школ і школ мастацтваў, навучэнцаў сярэдніх спецыяльных і студэнтаў вышэйшых навучальных устаноў, асобных таленавітых канкурсантаў – прадстаўнікоў дзяцей і моладзі вобласці ў дзвюх узроставых катэгорыях: “да 16 гадоў” і “ад 16 да 31 года”.

У экспазіцыі выстаўкі будзе прадстаўлена больш 100 работ розных па сваёй кампазіцыі і тэхніцы выканання: жывапіс, графіка, дэкаратыўна-прыкладное мастацтва.

Вынікі выстаўкі-конкурсу падвядзе кампетэнтнае журы 1 чэрвеня 2018 года. Пераможцы атрымаюць прызы і дыпломы лаўрэата I, II, III ступені.

Выстаўка-конкурс будзе працаваць да 1 чэрвеня 2018 года.

Тэлефон для даведак: 74-04-48.

 

comments powered by HyperComments

Дата

10.04.2018 - 31.05.2018

Час

16:00

Месца

Гродзенскі абласны метадычны цэнтр народнай творчасці
вул. Савецкая, 8

Spelling error report

The following text will be sent to our editors: