Дадаць навіну
Серада, 18 ліпеня 2018, 22:12
Усе мерапрыемствы

TEDxHrodnaLive — трансляцыя TED-канферэнцыі з Ванкувера

TEDxHrodnaLive — трансляцыя TED-канферэнцыі з Ванкувера пройдзе 15 красавіка.

Ужо не ўпершыню гарадзенцаў запрашаюць паўдзельнічаць у мерапрыемстве ў стылі TED. У гэты раз жыхары горада змогуць паглядзець прамую трансляцыю вялікай сусветнай канферэнцыі з тэмай «Час здзіўлення», якая адбудзецца ў Ванкуверы.

TED? Што гэта абазначае?

TED- вялікая канферэнцыя, якая штогод, з 1984 году, абядноўвае людзей з ўсяго свету пад дэвізам «Ideas worth spreading» (анг. «ідэі, вартыя распаўсюду»). Літары TED абазначаюць з ангельскай мовы: technology, entertainment, design; (тэхналогіі, забавы, дызайн). Сярод выступоўцаў канферэнцыі былі Стывен Хокінг, Біл Гейтс ці Біл Клінтан. Некаторыя з выступленняў размяшчаюцца на сайце канферэнцыі www.ted.com.

TEDxLiveHrodna — як гэта будзе

У гэтым годзе канферэнцыя праходзіць з 10 па 14-ае красавіка пад назвай «Time of amazement» (анг. «час здзіўлення»), і ўжо 15-га красавіка яе змогуць паглядзець гарадзенцы.

Уся праграма канферэнцыі складаецца з 11 сесій, але ў Гродне пакажуць 2−3 сесіі. Пра тое, што будзе паказана, вырашаць самі ўдзельнікі мерапрыемства праз галасаванне пры запаўненні формы рэгістрацыі.

Як заўважае адна з арганізатарак мерапрыемства, Ганка Барадзіна, варта туды прыйсці «каб глядзець канферэнцыю ўжывую, да таго, як прамовы з’явяцца на сайце ted.com, глядзець іх тэматычнымі блокамі і бачыць, як арганізаваны гэты вялікі івэнт, абмяркоўваць у цікавай кампаніі. Таксама гэта добры шанец пракачаць ангельскую, пазнаёміцца з цікавымі людзьмі і ідэямі.»

Мерапрыемства распачнецца ў 11.00 па адрасе Будзёнага 48а-86. Каб паўдзельнічаць, неабходна зарэгістравацца па спасылцы.

Усе прамовы будуць адбывацца на ангельскай мове.

TED у Гродне не ўпершыню

TEDx прыйшоў у Гародню разам з першай падзеяй у стылі TED у 2014, гэта была моладзевая падзея TEDxYouth@Hrodna, якая ладзіліся і ў 2015 годзе, паралельна з тым ладзіліся трансляцыі са штогадовай TEDWomen канферэнцыі (2015, 16 і 17). Зараз жа гарадзенцы ўпершыню паглядзяць ужывую штогадовую галоўную TED канферэнцыю. «Аднак, гарадзенскія перакладчыцы субтытраў для прамоў рупліва перакладаюць ужо з 2012 года, так што можна сказаць, TED у нас не ўпершыню» — дадае Ганка Барадзіна.

Запрашаем далучыцца да падзеяў у фэйсбуку і ўкантакце і наведаць сайт TED-канферэнцыі.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments


Дата

15.04.2018

Час

11:00 - 17:00

Лэйблы

Сустрэча

Месца правядзення

Будзёнага, 48а-86

Spelling error report

The following text will be sent to our editors: