Дадаць навіну
Панядзелак, 11 снежня 2017, 23:10
Усе мерапрыемствы

Клуб польскага кіно “Дзясятая муза”:”Паслявобразы”

“Кіно павінна прымусіць гледача забыць пра тое, што ён сядзіць у кіно”
Раман Палянскі

Клуб запрашае ўсіх зацікаўленых культурай заходніх суседзяў, сучасным кіно, ахвотных даведацца больш пра лепшыя польскія стужкі апошніх 20-ці гадоў і іх ставаральнікаў; для тых, хто вывучае польскую мову і хоча паглядзець фільмы ў арыгінальнай моўнай версіі ды проста любіць глядзець кіно ў добрым таварыстве.

На сустрэчах клубу будзем разам глядзець польскае кіно, якое з’явілася на экранах кінатэатраў пасля 2000 году, а таксама дыскутаваць пра гэтыя фільмы і іх стваральнікаў. Фільмы будуць паказаны ў арыгінальнай польскай моўнай версіі з субтытрамі на рускай мове. Пасля прагляду ўдзельнікі клубу змогуць абмяняцца сваімі ўражаннямі, паразмаўляць пра фільм. Дыскусія будзе адбывацца на мове, абранай удзельнікамі.

Падчас першай сустрэчы кінаклуба паглядзім фільм“Паслявобразы” (2016), апошнюю стужку Анджэя Вайды. Фільм паказвае апошнія гады жыцця польска-беларускага мастака Уладзіслава Страмінскага (1893-1952). Страмінскі быў мастаком, стваральнікам тэорыі ўнізму, адным з заснавальнікаў і выкладчыкаў Выяўленчай мастацкай школы ў Лодзі. У 1950 г. ён быў звольнены па просьбе Міністэрства культуры і мастацтва па абвінавачанні нормаў дактрыны сацыялістычнага рэалізму. “Паслявобразы” – гэта таксама расповяд пра лёс творцы, які ў час сталінізму ваяваў за свабоду мастацкага выказвання. У ролі Уладзіслава Страмінскага выступіў Багуслаў Лінда.

Сустрэчы клуба будуць адбывацца кожныя два тыдні, па аўторках ў 18.30 па адрасе Будзёнага 48а-86. Першая сустрэча – 12 снежня.

Кінаклуб арганізаваны як праект Эвеліны Пачкі – валанцёркі з Кракава, аматаркі студыйных кінатэатраў і размоваў за чорнай гарбатай. У Гродне яна жыве з верасня, працуючы ЕВС-валанцёркай у ГА “Цэнтр “Трэці сектар”.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments


Дата

12.12.2017

Час

18:30

Лэйблы

Кінапаказ

Месца правядзення

Будзёнага, 48а-86
0

Spelling error report

The following text will be sent to our editors: