Дадаць навіну
Серада, 18 ліпеня 2018, 22:21
Усе мерапрыемствы

Кінапрагляд «Спытай сэксперта»

«АБФ» у Гродна сумесна з «WATCH DOCS BELARUS» і «Трэцім сектарам» запрашаюць на кінапрагляд «Спытай сэксперта»

«Спытай сэксперта» — гэта паўнаметражны дакументальны фільм пра доктара Махіндера Васта, вельмі папулярнага 93-гадовага сэкс-кансультанта, які вядзе калонку ў штодзённай газеце ў Мумбаі. Нягледзячы на тое, што сэкс — гэта табуяваная тэма ў Індыі, дзякуючы гумарыстычнаму стылю калонкі, шмат людзей даслалі свае пытанні ў газету. Калонка карыстаецца папулярнасцю, хаця палавое выхаванне ў школах забаронена прыкладна ў траціне штатаў Індыі.
Рэжысёр паказвае, як праходзяць будні Махіндера Ватса, як і навошта ён дзеліцца сваімі ведамі з чытачамі. У фільме дакументуюцца кансультацыі Ватса: твары пацыентаў схаваныя, але іх пачуцці схаваць немагчыма.
Фільм уздымае важныя праблемы сэксуальнасці і недаступнасці палавога выхавання. Якія пытанні хвалююць юных і пажылых чытачоў калонкі пра сэкс? Як 93-гадовы невядомы калумніст зрабіўся медыйнай персонай у Індыі і каму здолеў насаліць спагадны сэкс эксперт? «Спытай сэксперта» — гэта кіно, працятае гумарам і драмай, як і жыццё герояў гэтай дзіўнай гісторыі.

Рэжысёр: Вайшалі Сінха (Vaishali Sinha)
Краіна: Індыя, 2017
Працягласць: 80 хвілін
Мова субтытраў: руская

Дзе: цэнтр адпачынку і развіцця «Партал» (вул. Вялікая Троецкая 31, 2гі паверх)
Калі: 8 красавіка ў 16.00
УВАХОД ВОЛЬНЫ

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments


Дата

08.04.2018

Час

16:00

Лэйблы

Кінапаказ

Месца правядзення

Цэнтр адпачынку і развіцця "Партал"
вул. Вялікая Траецкая, 31

Spelling error report

The following text will be sent to our editors: