Фестываль «Зялёны ГРАН-ПРЫ» - 2019

Фестываль «Зялёны ГРАН-ПРЫ» — 2019

Фестываль «Зялёны ГРАН-ПРЫ» — 2019 будзе праводзіцца 17−19 мая на базе адпачынку «Купалінка» ва ўрочышчы «Грандзічы».
Сачыце за самай актуальнай і падрабязнай інфармацыяй на старонцы фестывалю grodno.bardy.org/zgp.php

Фармат правядзення фестывалю:

— пятніца — заезд удзельнікаў, нефармальныя сустрэчы, міні-канцэрты ля вогнішчаў;
— субота — 1-ы тур конкурсу, блокавыя канцэрты гасцей, 2-і тур конкурсу, гала-канцэрт, начныя вячоркі ля вогнішчаў;
— нядзеля — раз’езд удзельнікаў.

Фестываль праводзіцца на лясной турбазе, фармальна ў межах горада. Уваходных білетаў і арганізацыйнага ўзносу на фестывалі няма, удзел бясплатны. Усе выдаткі па праезду і пражыванню ўдзельнікі нясуць самастойна. Вы можаце замовіць пражыванне на турбазе, але можаце спыніцца і ў намётавым лагеры за тэрыторыяй турбазы ў трох хвілінах хады. Вы можаце замовіць харчаванне ў сталовай турбазы. Для замовы пражывання і харчавання неабходная папярэдняя заяўка на адрас аргкамітэта (асабістым паведамленнем Паўлу Салаўёву або поштай на адрас bardy. grodno@gmail.com).

Да ўвагі замежных гасцей! Гродна — бязвізавая зона. Афіцыйная падрабязная інфармацыя аб бязвізавым уездзе: grodnovisafree.by. Калі ўзнікнуць пытанні - задавайце арганізатарам, не саромейцеся.

Творчыя майстэрні і конкурс праводзяцца па наступных намінацыях:
— аўтар,
— аўтар музыкі,
— выканаўца,
— паэт,
— выканальніцкі калектыў.

Конкурсная частка праходзіць у два этапы:
1-ы тур — праца ў творчых майстэрнях;
2-і тур — выступ на конкурсным канцэрце.
Лаўрэаты і дыпламанты фестывалю ўзнагароджваюцца прызамі і дыпломамі. Па рашэнні журы можа быць прысуджаны Гран-Пры.

Удзельнікі выконваюць свае песні ў суправаджэнні акустычных інструментаў. Выкарыстанне сінтэзатараў і фанаграм правіламі конкурсу не дазваляецца.
Папярэдняя заяўка для ўдзелу ў конкурсе не абавязковая, але вельмі пажаданая (дасылайце заяўкі з указаннем намінацый асабістым паведамленнем Таццяне Шубзда або поштай на адрас tanya_s@bk.ru).

Дата

17.05.2019 - 19.05.2019