Дадаць навіну
Чацвер, 23 лістапада 2017, 09:59

150 словаў пра эСэСэСэР. Кіно

Кажуць пра надзвычай таленавітае савецкае кіно для масавага гледача. І праўда, серыял пра Шэрлака Холмса ці пра прыгоды Шурыка з задавальненнем глядзеў некалькі разоў. Праўда, паказвалі іх даволі часта. Не так шмат было тых фільмаў для масаў, што даводзілася іх паўтараць, ці што? Мо з таго і нарадзілася савецкая завядзёнка – штогод паказваць «З лёгкім парам».

Але адзін выпадак памятаю, калі ў савецкім Гродне немагчыма было набыць квіток на фільм. Квіткі масава выкуплялі на ўсе сеансы.

Памятаеце? Стаялі натоўпы дарослых дзядзечак і цётухнаў, ажно на вуліцы, ля цяпер ужо былога кінатэатра «Гродна» на Савецкай.

У нас, у дзяцей, не было ані шанцу каб здабыць квіток, а хацелася.

Памятаеце, што гэта быў за фільм? Яшчэ песня з тых часоў засталася. Я дагэтуль некалькі словаў памятаю: «Джымі, Джымі, Джымі! Ачу! Ачу! Ачу!» Так, гэта быў “Танцор дыска”! Што ў ім прыцягвала гледача – вялікая таямніца…

Чаргі на савецкі масавы фільм не памятаю ніколі.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Публікацый: 61

Ігар Кузьмініч – гарадзенец. Скончыў факультэт правазнаўства. Выкладчык, даследчык, грамадскі дзеяч. Апублікаваў больш за трыццаць навуковых і навучальна-метадычных прац.

Для сваіх дзяцей пачаў пісаць казкі. Аўтар аўдыёкнігі «Казкі Жыцця Мікіткі і Данілка», якая стваралася пры падтрымцы сайта “Твой стыль”. На сённяшні дзень мае выдадзеныя  “Мастацкай літаратурай” больш за 10 казак.

0

Spelling error report

The following text will be sent to our editors: