Чальцоў рэлігійнага руху “Руская праваслаўная царква – Царская імперыя” затрымалі ў Беларусі ў канцы жніўня. Адэптам прад’явілі абвінавачанні ў стварэнні і кіраўніцтве экстрэмісцкім фарміраваннем. Упершыню на рух звярнулі ўвагу ў Гродзенскай вобласці.
Затрыманнямі ў розных рэгіёнах краіны займаўся ГУБАЗіК пры сілавой падтрымцы спецназу і АМАП.
Асуджалі царкву, уладу і дзеянні краіны
Протаіерэй Аляксандр Хамбак са Свята-Пакроўскага кафедральнага сабору Гродна некалькі разоў сустракаўся з прадстаўнікамі руку – манахіняй Еўдакіяй і неназваным святаром. Яны выклікалі ў Хамбака падазрэнні.
«Уласна, размова ўся звялася да асуджэння царквы, прэзідэнта і дзеянняў краіны: і нашай, і Расіі. Было зразумела, што гэта самасвяты – ніякага дачынення да царквы гэтыя людзі не маюць”, — распавёў Хамбак у эфіры АТН. Па словах журналісткі, пазней протаіерэю сталі паступаць пагрозы.
Самасвят – той, хто самавольна прысвоіў сабе святарскі сан. Афіцыйныя царкоўныя структуры лічаць такіх людзей самазванцамі і ашуканцамі.
“Расхістаць сітуацыю на прыгранічных тэрыторыях”
Хамбак лічыць, што ў руху “вушы растуць з Украіны”.
— Маючы вопыт зносін з усялякімі сектанцкімі рухамі ў нашай Гродзенскай епархіі, магу сказаць, што мэта і задачы былі такімі, каб тут расхістаць сітуацыю – на нашых прыгранічных тэрыторыях, – адзначыў протаіерэй.
Святар дадаў: тыя, хто “раздавалі метадычкі”, не ўлічылі высокую ступень рэлігійнасці жыхароў Гродзенскай вобласці.
У руху “Руская праваслаўная царква – Царская імперыя” было 50 адэптаў з Беларусі
Заснавальнікам руху стаў двойчы асуджаны ўраджэнец Казахстана Леанід Власаў. Ён абвясціў сябе схімітрапалітам Засімам, а прасоўваць ідэі пачаў у 2022 годзе ва Уладзімірскай вобласці. У 2023 годзе ён “вянчаў сябе на царства”. Адэпты руху “Руская праваслаўная царква – Царская імперыя” прапаведуюць стварэнне незалежнай дзяржавы “Трыадзіная Русь” пад кіраўніцтвам Уласава.
“Рускую праваслаўную царкву – Царскую імперыю” прызналі ў Беларусі экстрэмісцкім фарміраваннем. Такое рашэнне прыняла МУС 15 жніўня. На пецярых беларускіх дзеячаў руху завялі крымінальныя справы па артыкулах КК:
- ч.1 арт.361-1 (стварэнне і кіраўніцтвам экстрэмісцкім фарміраваннем);
- ч.2 арт.193 (арганізацыя і кіраўніцтва рэлігійнай арганізацыяй, якая замахваецца на асобу, правы і абавязкі грамадзян).
Па дадзеным Следчага камітэту, у Беларусі новым рэлігійным рухам кіраваў “мітрапаліт”. Ён даваў указанні на падрыхтоўку агітацыйных матэрыялаў і напісання “малітваў”, а таксама на “падрыхтоўку публікацый для экстрэмісцкіх інтэрнэт-рэсурсаў”, піша Reform.by. СК заяўляе, што падобныя рухі дзейнічаюць у Расіі, Украіне і Малдове.
У «Рускай праваслаўнай царквы — Царскай імперыі» было ўсяго 50 беларускіх адэптаў. Астатнія 650 удзельнікаў – пераважна расіяне і ўкраінцы.
