Праўладная і прарасійская актывістка з Гродна Вольга Бондарава абвясціла вайну падлеткам: пагражае ім затрыманнямі і прастрэленымі нагамі. Усё таму, што тыя пакрыўдзіліся за адмененыя паводле яе даносу канцэрты.
Супрацьстаянне Вольгі Бондаравай з моладдзю пачалося з таго, што на яе патрабаванне ў Мінску адзначылі канцэрты папулярных у Расіі рэпера MZLFF і інды-поп-спявачкі Алены Швец. Іх планавалі правесці 21 красавіка і 18 траўня. Бондарава паскардзілася ў беларускае Міністэрства культуры на «вялікі дэструктыўны складнік» у іх творчасці — прапаганду гвалту, самагубстваў, ЛГБТ, дэвіянтных паводзін і/ці ўжывання алкаголю (наркотыкаў), нецэнзурную лексіку.
Таксама Бондарава спрабавала адмяніць канцэрт папулярнага ў падлеткаў электроншчыка GSPD. Мінкульт забракаваў некалькі песень, але канцэрт усё ж прайшоў 15 сакавіка. Туды прыйшоў АМАП і перапыніў звычайны для мерапрыемстваў GSPD слэм. У Мінкульце ж палічылі ўзровень канцэрта «недастаткова высокім» і запэўнілі Бондараву, што ні GSPD, ні Швец, ні MZLFF больш у Беларусі выступаць не будуць.
Пасля скасавання канцэртаў незадаволеныя падлеткі аб’ядналіся ў чаты, дзе сталі выказваць свае непахвальныя меркаванні аб Бондаравай. Некаторыя пісалі актывістцы абразы ў прыватныя паведамленні. Бондарава ўсё заскрыніла і паабяцала пажаліцца на падлеткаў у СК Расіі. Таксама яна папярэдзіла, што чаты, у якіх маюць зносіны дзеці, прызнаюць экстрэмісцкімі, а каментатары ў будучыні змогуць уладкавацца на працу толькі мыйшчыкамі посуду або разносчыкамі піцы.
Пасля гэтага падлеткі сталі выдаляць чаты і негатыўныя каментарыі. Але Бондарава не супакоілася і стала пагражаць дзецям «пакаянымі відэа» ад ГУБАЗіКу, пастаноўкай на ўлік, штрафамі бацькам і нават «прастралянымі нагамі». Таксама яна спаслалася на затрыманне ў Расіі меркаванага тэрарыста з «Крокус Сіці Хола», якому сілавікі адрэзалі вуха і прымушалі яго есці.
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…
Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…