Навіны

Бондарава дамаглася, каб «Еўраопт» змяніў сваю рэкламу. Але на гэтым яна не спыняецца (абноўлена)

Гандлёвая сетка «Еўраопт» прыбрала рэкламу з выявай блогера Дзім Дзімыча з сайта школьных тавараў. Гэтага дамаглася гродзенская праўладная актывістка Вольга Бондарава, якая абвінаваціла блогера ў схаванай «прапагандзе ЛГБТ».

Рэклама з Дзім Дзімычам, якую прыбралі з сайта «Еўраопта». Скрыншот news.zerkalo.io

Што адбылося?

Вольга Бондарава склала калектыўны зварот да адміністрацыі «Еўраопта» ад імя «грамадзян Беларусі, якія вызнаюць традыцыйныя хрысціянскія каштоўнасці». Яе абурыла рэклама бонсцікаў і тавараў для школы з «персанажам пад псеўданімам Дзім Дзімыч, які займаецца прапагандай ЛГБТ»

Хто такі Дзім Дзімыч

Дзім Дзімыч — беларускі блогер. У яго Tik Tok — амаль 2 млн падпісчыкаў, на YouTube-канале — 4,5 млн. Яго аўдыторыя — пераважна школьнікі-падлеткі. Прапаганду ЛГБТ Бондарава знайшла ў яго роліках, дзе ён апрануты ў адзенне ружовага колеру, а таксама ў яго жартоўных фота ў сукенцы. Пры гэтым згаданы блогер выступае на праўладных канцэртах і хваліць БРСМ.

«Вычварэнец — гэта заўсёды змагар, бо выступае супраць дзяржавы, зацікаўленай у традыцыйных сем’ях», — піша Бондарава ў калектыўным звароце. Яна прыходзіць да высновы, што такім спосабам «Еўраопт» «загадзя, да выбараў 2025 г., ужо заняўся падрыхтоўкай пратэстнага электарату».

Рэклама знікла не толькі з сайта

Рэкламу з Дзім Дзімычам прыбралі не толькі з сайта, але і з канала «Еўраопт» у TikTok. Гандлёвая сетка пакуль не пракаментавала знікненне рэкламы з блогерам.

Бондарава звярнулася да старшыні Савета дырэктароў і генеральнага дырэктара «Еўрагандаль», якому належаць «Еўраопты», з патрабаваннем «не спыняцца на дасягнутым і ачысціць» ад Дзім Дзімыча яшчэ рэкламу бонсцікаў.

Таксама Бондарава паабяцала разабрацца з тымі, хто запрасіў Дзім Дзімыча выступіць на «Славянскім базары» ў Віцебску.

Чытайце таксама: Бондарава хоча сцерці памяць пра Каліноўскі і Касцюшку і ваюе з «Еўраоптам»

UPD 1 жніўня. Фірма прыняла рашэнне прыпыніць размяшчэнне рэкламнай інфармацыі з выявай блогера Дзмітрыя Сіўчыка. Акрамя рэкламы, якую немагчыма неадкладна прыпыніць — напрыклад, улёткі.

«Сапраўдным паведамляем, што ТАА „Еўрагандаль“ няўхільна выконвае заканадаўства Рэспублікі Беларусь, у тым ліку ў галіне рэкламы і культуры. Кіраўніцтва ТАА „Еўрагандаль“ падзяляе агульнапрынятыя ў Рэспубліцы Беларусь культурна-маральныя каштоўнасці беларускага народа. ТАА „Еўрагандаль“ з’яўляецца сацыяльна-арыентаванай арганізацыяй рознічнага гандлю, асноўнай задачай якой з’яўляецца задавальненне попыту насельніцтва на спажывецкія тавары», — напісалі ў адказе.

Таксама ў адказе адзначылі, што арганізацыя не пераследуе «ніякіх чужых беларускаму народу палітычных мэтаў. Адпаведна, меркаванне аб пратэстным электараце, выказанае ў звароце, з’яўляецца памылковым».

Апошнія запісы

Бондарава адшукала на дзяржаўным свяце «змагарку», а тая апынулася нявесткай Лукашэнкі

Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…

8 мая 2024

Загадчыцу інтэрната ў Гродне аштрафавалі за нямытыя пліты

Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…

7 мая 2024

Колькасць пасажыраў зменшылася на 99%, страты больш за 8,5 млн. Што зараз з гродзенскім аэрапортам у Абухаве?

За чатыры гады колькасць пасажыраў гродзенскага аэрапорта знізілася за 99% – з 10 000 да…

7 мая 2024

Магічны відэарэгістратар. Збітаму ДАІшнікамі рабочаму не паверыў мясцовы суд — але ў яго ёсць шанец іх пакараць

Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…

7 мая 2024

«Вольнае валоданне літоўскай, англійскай, польскай, нямецкай». ТОП-5 самых аплочваемых вакансій Гродзенскай вобласці

У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…

7 мая 2024

На «Гродна Азот» забароняць карыстацца смартфонамі і выходзіць у інтэрнэт

На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…

6 мая 2024