З 24 мая гарачую ваду адключылі ў I зоне: у цэнтры горада, на вуліцы Захарава і праспекце Касманаўтаў. Працы павінны скончыць да 5 чэрвеня. Энергетыкі абяцаюць скараціць час адключэння за кошт кладкі больш сучасных труб.
Улетку ў Гродне збіраюцца замяніць 24 км цеплавых сетак. З іх на 30,2 км выкладуць прадізаляваныя трубаправоды. Павелічэнне працягласці цеплавых сетак такога фармату дапаможа павысіць іх надзейнасць, эканамічнасць і зрабіць таннейшай эксплуатацыю, піша «Вячэрні Гродна» са спасылкай на РУП «Гроднаэнерга».
Энергетыкі зробяць усё, каб скараціць адведзены на працы 12-дзённы тэрмін, паабяцаў начальнік цеплатэхнічнай службы РУП «Гроднаэнерга» Яўген Шаруха. Пры пракладцы прадізаляваных труб канал з жалезабетону ў асноўным не патрэбны — працы можна зрабіць хутчэй. Скарачэнне тэрмінаў адключэння гарачай вады летам да 9−10 дзён — не мяжа.
Прадізаляваныя трубаправоды маюць «разумную» сістэму аператыўна-дыстанцыйнага кантролю. Калі дзесьці на ўчастку намакае ізаляцыя, сістэма аўтаматычна перадае сігнал дыспетчару пра месца няспраўнасці.
Прадізаляваныя трубы цалкам падрыхтаваныя, таму дадатковыя працы пры мантажы не патрэбныя. Гэта скарачае выдаткі на ўстаноўку і далейшае абслугоўванне. Сама труба складаецца з некалькіх слаёў, у кожнага з якіх — свае характарыстыкі. Трубы, прызначаныя для падземнай пракладкі, робяць з сталі, поліўрэтанавай абалонкі і цеплаізаляцыйнага пласта паміж імі. Іх тэрмін эксплуатацыі большы, чым у звычайных труб у мінералаватнай ізаляцыі.
Чытайце таксама: У Гродне адрамантуюць тры інтэрнаты. У адным з іх — прусакі і цвіль
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…