Стафардшырскі тэр'ер. Фота ілюстрацыйнае: Nikola Čedíková, pexels.com
У гаспадара сабакі, які загрыз яго на вачах у дзіцяці, незадоўга да здарэння быў траўмаваны твар. Стафардшырски тэр’ер рэагаваў на кроў і спрабаваў лізаць раны, распавяла жонка загінулага. У гісторыі, якая адбылася пад Навагрудкам, высветліліся новыя дэталі.
Усё адбылося 9 мая. Мужчына з трохгадовай дачкой і сабакам на выхадных быў у вёсцы Ачукевічы Навагрудскага раёна. Ён перастаў выходзіць на сувязь. На другі дзень яго жонка занепакоілася і папрасіла суседку праверыць, ці ўсё ў парадку. Тая стукала ў вокны, але не атрымала адказу. Тады жонка выклікала міліцыю.
Участковы змог адкрыць акно і ўбачыў трохгадовую дзяўчынку, мужчыну і сабаку. Дзяўчынка забілася ў кут, пёс рыкаў, а побач ляжала разадранае цела бацькі малой. На той момант мужчына ўжо не падаваў прыкмет жыцця, а галава была ўся скрываўленая, распавёў участковы ў эфіры АНТ.
Дзяўчынка баялася паварушыцца — на любы рух сабака пачынала рыкаць. Участковы выклікаў калег. Увагу сабакі занялі, дзяўчынку ўдалося выцягнуць з дому. Ёй аказалі медыцынскую дапамогу, а жывёлу ўсыпілі.
Жонка загінулага распавяла, што ў мужчыны была нядаўняя траўма твару і праз швы прасочвалася кроў. Тэр’ер пры кожным зручным моманце спрабаваў залізваць раны.
«Сабака ніколі не выяўляла ніякай агрэсіі да людзей», — падкрэсліла жанчына. Сабаку было шэсць гадоў, ён быў афіцыйна зарэгістраваны, меў неабходныя дакументы і прышчэпкі, распавялі ў Следчым камітэце. Жывёлу трэнавалі абодва сужэнцы, вазілі яго на выставы і спаборніцтвы.
«Улічвайце свой стан здароўя, гэта трэба разумець. Трэба аддаваць сабе справаздачу, гэта ў любым выпадку жывёла. Так ці інакш, сабакі паходзяць ад ваўка», — сказала жонка загінулага журналістам.
Таксама высветлілася, што да здарэння сабака пабіўся ў вёсцы з іншым сабакам небяспечнай пароды — алабаем. Мужчына разнімаў жывёл. Гэты эпізод таксама мог справакаваць лютасць.
Праверка па тым, што адбылося працягваецца.
Чытайце таксама:
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…