Чарга на выезд з Польшчы ў кірунку Беларусі ў пункце пропуска "Баброўнікі"
Больш за тысячу фураў стаіць у чарзе перад памежным пунктам пропуску «Казловічы» ў бок Польшчы. Аўтобусы на польскай мяжы чакаюць больш за 10 гадзін. У легкавых аўтамабіляў пры самым хуткім спосабе трапіць у Польшу — праз Літву — чарга адымае не менш за пяць гадзін.
Самы загружаны пункт пропуску на беларуска-літоўскай мяжы — «Мядзінінкай» («Каменны Лог»). Там паводле дзяржпагранкамітэта за апошнія суткі літоўцы прапусцілі 13% фур ад нормы. Таксама затрымкі руху грузавікоў адбываюцца на памежных пунктах пропуску «Лаворышкес» («Катлоўка»), «Шальчынінкай» («Беняконі») і «Райгардас» («Прывалка»).
Затрымкі ў афармленні легкавога транспарту ёсць у пунктах пропуска «Мядзінінкай» («Каменны Лог») і «Цярэспаль» («Брэст»).
Аўтобусы на памежным пераходзе «Варшаўскі мост» (каля Брэста) чакаюць у чарзе па 15−20 гадзін. Некаторыя пасажыры выходзяць са сваіх аўтобусаў, ідуць уздоўж чаргі і шукаюць вольнае месца ў аўтобусах, якія стаяць бліжэй да мяжы.
Час праходжання мяжы беларусы абмяркоўваюць у Telegram-чаце «ГраницаBYPL». Хтосьці праходзіць мяжу за пяць гадзін, хтосьці чакае больш.
«У 11 з капейкамі былі на Катлоўцы (выезд з РБ), у 14 з капейкамі прайшлі беларускую. Стаім перад літоўцамі на нейтралцы», — напісаў у 16:19 29 сакавіка карыстальнік пад нікам Aiste у Telegram-чаце «ГраницаBYPL».
На памежным пункце пропуску «Відзы» ўдзельніца чата Ірына апісала сітуацыю так: «Пад'ехалі да мяжы 12:00. Перад шлагбаумам было 2 машыны. 17:00 заехалі ў Літву».
«Каменны лог падвіжкі раз на дзве гадзіны на машын 5. Вельмі кепска працуюць», — напісала карыстальніца Вольга ў 16:08.
Станам на 16:12 на пункце пропуска (ПП) «Прывалка» у чарзе 65 легкавых аўтамабіляў. У зоне чакання на ПП «Брэст» 78 і яшчэ каля 240 (да і пасля зоны чакання), а за гадзіну праехала 10 машын.
У «Беняконях» у зоне чакання стаіць 95 аўтамабіляў, за гадзіну праехала сем. «Каменны лог» - 38 машын у зоне чакання, а за гадзіну праехала 10. «Катлоўка» — 38 аўто ў зоне чакання, за гадзіну праехала 10, «Лоша» — у чарзе каля 45 аўтамабіляў.
10 лютага Польшча закрыла памежны пункт пропуска «Баброўнікі». Гэта звязваюць з прысудам журналісту Анджэю Пачобуту. Пункт пропуска «Кузніца» не працуе з лістапада 2021 года. Паміж Беларуссю і Польшчай зараз працуе толькі памежны пераход «Брэст-Цярэспаль» для легкавога транспарту і «Казловічы-Кукурыкі» для грузавога.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…