Фота ілюстрацыйнае: pixabay.com
У Мастоўскім раёне за перавышэнне паўнамоцтваў і крадзеж асудзілі былога кіраўніка сельгаспрадпрыемства. Яго абвінавацілі ў лячэнні жывёл не за 2,8 рубля, а за 70.
Былы кіраўнік аднаго з сельскагаспадарчых прадпрыемстваў Мастоўскага раёна заключыў дамовы на ветэрынарныя паслугі для буйной рагатай жывёлы з індывідуальным прадпрымальнікам. Па іх умовах кошт лячэння аднаго жывёльнага склала 70 па дамове за кастрычнік 2021 і 35 рублёў па дамове ў лютым 2022 года.
З сакавіка 2021 года ў прадпрыемства ўжо быў заключаны дагавор з Мастоўскай раённай ветэрынарнай станцыяй. Згодна яму, лячэнне адной жывёлы павінна было каштаваць 2,84 рубля. Як выявіла следства, абвінавачваны ведаў пра дамову.
У выніку з-за лячэнне 662 жывёл па цэнах іпэшніка суд ацаніў прычыненую гаспадарцы шкоду ў 28,2 тыс.рублёў. Акрамя гэтага, абвінавачаны купляў дэталі для свайго асабістага аўто на грошы гаспадаркі. Яны абышліся ў 1,4 тыс.рублёў.
Суд Мастоўскага раёна прызнаў мужчыну вінаватым па ч. 1 арт. 426 (Перавышэнне ўлады або службовых паўнамоцтваў) і ч. 1 арт. 210 (Крадзеж шляхам злоўжывання службовымі паўнамоцтвамі) Крымінальнага кодэкса Рэспублікі Беларусь. Санкцыі артыкулаў прадугледжваюць таксама пазбаўленне права займаць пэўныя пасады або займацца пэўнай дзейнасцю.
Былога дырэктара асудзілі на адзін год папраўчай калоніі агульнага рэжыму і штраф у памеры 80 базавых велічынь (2,56 тыс. рублёў). Таксама ён павінен кампенсаваць шкоду прадпрыемству на суму 28,2 тыс. рублёў.
Судовыя рашэнні ўступілі ў законную сілу.
Чытайце таксама:
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…