Больш за 20 дарожна-транспартных здарэнняў адбылося раніцай 20 снежня 2022 года на вуліцах Гродна. Дзяржаўтаінспекцыя вывела дадатковыя нарады супрацоўнікаў. Hrodna.life даведаўся, што адбывалася ў горадзе з-за галаледзіцы і ці нармалізавалася сітуацыя пасля абеду.
У перыяд з 6:00 да 12:00 адбылося 25 аварый. 20 з іх супрацоўнікі ДАІ зафіксавалі з 6:00 да 10:00, чатыры з 10:00 да 11:00 і яшчэ адну з 11:00 да 12:00.
У 13:01 ДАІ Гродзенскага аблвыканкама паведаміла, што «пік па колькасці ДТЗ пройдзены, з павышэннем тэмпературы навакольнага асяроддзя сітуацыя стабілізавалася».
Прычынай галаледзіцы стаў дождж, якія адбыўся, а пятай гадзіне раніцы. Тратуары і аўтамабільныя дарогі пакрыліся ільдом. Некаторыя кіроўцы аўтамабіляў не маглі выехаць з паркоўкі, на праспекце Каманаўтаў аўтобус не змог падняцца ў гору і выехаў на сустрэчную паласу, а ў Тарусічах аўтобус перакрыў дарогу — туды прыязджала хуткая дапамога, паведаміў «АвтоГродно».
Таксама аварыі адбыліся на вуліцы Паповіча і побач з «Гродна Азот». У дзевяць раніцы сэрвіс «Яндекс Карты» зафіксаваў у горадзе дзевяцібальныя заторы.
Падчас галаледзіцы ў ДАІ раяць недапушчаць рэзкіх рухах, нават падчас руху на невялікай хуткасці: ні падчас пераключэння перадач, ні пры разгоне, ні пры манеўраванні.
Таксама варта пазбягаць рэзкага тармажэння, бо з-за гэтага аўтамабіль можа занесці. Падчас руху па трасе лепш паступова тармазіць рухавіком, а пры заносе тармазіць перарывістымі націсканнямі на тармазную педаль.
Пешаходы павінны звяртаць увагу на абледзянелыя тратуары і асцярожна падыходзіць да краю праезнай часткі.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…