Ілюстрацыйнае фота стаматолага. Фота: pixabay.com
Новая клініка з’явіцца на вуліцы Дубко — захадней ад існуючага інтэрната для студэнтаў. Якія памяшканні і кабінеты будуць у будынку на 5200 кв.м, вызначаць пры праектаванні. Будаўніцтва пачнуць праз год — у кастрычніку 2023 года.
Кіруе будаўніцтвам Упраўленне капітальнага будаўніцтва Гродна. Да 4 кастрычніка ведамства выбірае генеральную праектную арганізацыю на выкананне праектна-пошукавых работ. Фірма павінна падаць дадзеныя аб аналагічных рэалізаваных праектах за апошнія тры гады.
На працу з гарадскога бюджэту вылучаюць 510 000 рублёў. У задачы фірмы таксама ўваходзіць прадумаць каляровыя рашэнні фасадаў і архітэктурна-будаўнічыя рашэнні.
Праектаванне павінны завяршыць да 28 лютага 2023 года. Пачатак будаўніцтва запланаваны на кастрычнік 2023 года. На будаўніцтва выдзелена 15 510 000 рублёў. Агульная плошча будынка — 5 241, 28 кв.м. Якія памяшканні будуць у будынку, вызначаць на этапе праектавання. Вядома, што там будзе аптэка.
Арыенціровачная плошча ўчастка — 0,72 га. Пры праектаванні ўлічаць генплан Гродна. Каля будынка ўсталююць велапаркоўкі. Для фізічна аслабленых асоб забяспечаць безбар’ернае асяроддзе. Пры будаўніцтве абяцаюць захаваць расліны.
Планы пабудаваць стаматалагічны цэнтр у Гродне з’явіліся вясной 2021 года. Тады для яго хацелі рэканструяваць адміністрацыйны будынак па вул. Цітова, 7. Але перадумалі - гэта аказалася даражэй. Да таго ж, у той час ва ўладаў не было грошай.
Чытайце таксама:
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…