На Савецкай узводзяць новы будынак Сямашкі. Працы пачалі без археалагічнага нагляду

На выкупленым год таму участку справа ад палаца Мураўёва пачалі ўзводзіць новы будынак. Пакуль археалагічнага нагляду на будоўлі няма, але будаўнічая тэхніка ўжо працуе.

Цяжкая будаўнічая тэхніка кубаметрамі вывозіць нявывучаны пласт зямлі, звяртае ўвагу канал Urban Hrodna са спасылкай на гісторыка Мечыслава Супрона.

Фота: Urban Hrodna

«Калі капнуць глыбей і з’явіцца культурны пласт, але працы працягнуцца з экскаватарам — будзе ўжо парушэнне закона. Участак знаходзіцца на тэрыторыі гісторыка-культурнай каштоўнасці „Гістарычны цэнтр Гродна“ і ўваходзіць у зону аховы культурнага слоя».

У зямлі ў тым месцы знаходзяцца мураваныя падвалы, знойдзеныя ў 2000-х гг. пры пракладцы камунікацый. Да таго ж, былая плошча Рынак (цяпер Савецкая) — унікальнае гістарычнае месца, якое патрабуе асаблівага археалагічнага нагляду, мяркуе Супрон.

Што будуюць на Савецкай

У ліпені 2022 года ўчастак выкупіў Станіслаў Сямашка, уласнік двух суседніх будынкаў. Па ўмовах аўкцыёну тут мусіць з’явіцца аб’ект грамадскага прызначэння. Будынак мусіць быць 2-павярховы з мансардай. Неабходна ўлічыць знешні выгляд і канфігурацыю страчанай забудовы, якая тут была раней.

Схема выкупленага надзела
Праект новага будынка на Савецкай

Праект будучага будынка размясцілі на банерах на плоце вакол будаўнічай пляцоўкі. Левая частка новага будынка, якая выходзіць на Савецкую, будзе знешне падобнай да страчанага аб’ёма канца XIX ст. Правая, насупраць турмы, будзе з элементамі «мадэрна», панарамнымі вокнамі і часткова празрыстым дахам.

А так выглядаў першы варыянт праекта будынка — у стылі суседняга спрэчнага палаца-новабуда на Калючынскай

Першы варыянт праекту не ўхваліў Мінкульт, яго адправілі на дапрацоўку.

Памеры надзела і будынка не супадаюць

Ёсць істотны нюанс — дом Лапіна, які стаяў на гэтым месцы ў кан. ХIХ века (моцна перабудаваная камяніца Вольмера 1783 г. пабудовы), быў амаль удвая большым за прададзены пад будоўлю ўчастак. На гэта звярнуў увагу гродзенскі краязнаўца Мечыслаў Супрон.

Камяніцы Вольмера (чырвоны колер) і Валовіча (сіні колер) канца XVIII ст. пасля пажару 1885 г. былі перабудаваны і ўключаны ў адзін вялікі аб’ём з надбудовай другога паверха (жоўты колер). Аўтар выявы — Мечыслаў Супрон

У 2021 г. гродзенскі гісторык Алесь Хацько знайшоў у Інстытуце мастацтва Польскай акадэміі навук малюнак і план дома купца Лапіна за 1873 г. На ім бачна частка будынка, якая прымыкала да дома Мураўёва. Будынак мае рысы барока (абрамленне вокнаў, высокі чатырохсхільны дах) і класіцызму (франтон над цэнтральнай часткай, калоны пры ўваходзе).

Знойдзеная ў 2021 г. выява. Крыніца: supron-licvin.livejournal.com

З улікам гэтага, новабуд на Савецкай мусіў бы выглядаць па-іншаму:

Чытайце таксама: Глядзіце, якім будзе Гродна праз 1000 гадоў. Мы запыталі ў нейрасеткі і атрымалі малюнкі ў адказ

Падзяліцца

Апошнія запісы

Кіберпартызаны атакавалі «Гродна Азот». Яны выдаляюць дадзеныя, пакуль не вызваляць палітвязняў

На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…

3 мая 2024

Супраць гродзенскага актывіста пачалі спецвытворчасць. У чым яго абвінавачваюць?

Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…

3 мая 2024

Цана сэрвіснага збору ў візавых цэнтрах Гродзенскай вобласці вырасла. Колькі зараз трэба заплаціць?

Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…

3 мая 2024

У Гродзенскай вобласці - найхутчэйшы рост цэн на прадукты. Што стала есці даражэй?

Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…

2 мая 2024

Школьнікі з Гродна наведалі ізалятар і стрым з вязнем гродзенскай турмы

Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…

2 мая 2024

У цэнтры Гродна заканчваюць будаваць буйны офіс для айцішнікаў

У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…

2 мая 2024