Маковое поле под Лидой. Фото из соцсетей, источник: lidanews.by
Макавага поля за 10 км ад Ліды, куды беларусы з розных гарадоў прыязджалі па прыгожыя фота, больш няма. Пасля экспертызы высветлілася, што мак, які расце на 106 га, утрымлівае наркатычнае рэчыва. Поле знішчылі, а зямлю канфіскавалі ва ўладальніка.
Поле з макамі каля вёскі Малое Ольжава належала мясцоваму фермеру. Яго далі яму для вырошчвання азімага рапсу. Фермер і пасеяў на ім рапс, але пустазелле-мак другі сезон запар цалкам яго заглушаў. Пасля наплыву аматараў фотасесій прадпрымальнік нават звярнуўся да праваахоўнікаў, каб тыя дапамаглі з аховай поля, пісала «Лідская газета». Міліцыя ж узяла ўзоры маку на хімічную экспертызу на наяўнасць у ім забароненых рэчываў.
Пра знішчэнне знакамітага поля паведаміла раённая газета «Принеманские вести» са спасылкай на прэс-службу Лідскага РАУС.
Фермер атрымаў ад міліцыі прадпісанне скасіць поле, але марудзіў. Экспертыза ж пацвердзіла ў кветках з гэтага поля небяспечнае наркатычнае рэчыва — макавую саломку. Адразу пасля атрымання вынікаў уся плантацыя была знішчана. Зямельны надзел у фермера канфіскавалі за несвоечасовае выкананне прадпісання і ігнараванне патрабаванняў міліцыі.
Чытайце таксама:
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…