Навіны

Самы таямнічы краязнаўца Гродна запісаў рок-альбом, прысвечаны гораду

Гродзенскі краязнаўца і гісторык Яўген Аснарэўскі прэзентаваў свой рок-альбом «Песні з Гродні». Кампазіцыі ў ім прысвечаны роднаму гораду і не толькі. Містычны гродзенец расказаў, што такое «постмадэрнісцкі рок», як пачаў спяваць і пры чым тут Серж Танкян, паведамляе Telegram-канал «Радыё «Harodnia».

У наборы 10 трэкаў: дзевяць песень і інструментальнае інтра. Працягласць усяго альбома — каля 25 хвілін. Тэксты выключна на беларускай мове.

Пад псеўданімам Яўген Аснарэўскі хаваецца гродзенскі блогер, краязнаўца, аўтар або сааўтар некалькіх папулярных гродзенскіх інтэрнэт-петыцый. Напісаў ужо восемь гістарычных кніг пра Гродна. Акрамя гістарычных матэрыялаў Яўген піша мастацкую прозу. Нягледзячы на спробы высветліць таямніцу яго асобы, Аснарэўскі паспяхова захоўвае ананімнасць.

Чытайце таксама: Евгений Асноревский: 7 фактов о таинственном блогере, который знает о Гродно всё

Постмадэрнісцкі рок і самаіронія

У альбоме дастаткова шырокі дыяпазон вакальных прыёмаў, у тым ліку экстрымальны вакал і тэхнікі бітбокса, расказаў аўтар. Большая частка песень прысвечана Гароднi, у прыватнасці, гэта трэкі «Поп-рок (Гародня)», «Горад халмоў (Эмігранцкая)», «Сівая Каложа».

 — Песні даволі незвычайныя, спалучаюць у сабе элементы рок-альтэрнатывы 90-х, року 80-х, павольных электронных стыляў, такіх як трып-хоп і чылаўт, і сучаснага попу. Постмадэрнісцкая канцэпцыя альбома прадугледжвае дэканструкцыю эстрадных песень. Менавіта таму элементы розных стыляў часам эклектычна спалучаюцца ў запiсах, а ў тэкстах шмат іроніі, у тым ліку і самаіроніі аўтара. Гэта дазваляе ўбачыць новыя сэнсы ў сучаснай эстраднай творчасці (прынамсі ў тэорыі), i дае падставу пазначыць жанр альбома як постмадэрнісцкі рок, — напісаў Яўген.

Вокладка альбома «Песні з Гродні» Яўгена Аснарэўскага. Фота: героя

«Песні з Гродні»

Альбом называецца «Песні з Гродні». Аўтар адзначае, што гэта сапраўдная назва, а не памылка друку. «Гродня — гэта адна з рэальных гістарычных назваў горада над Нёманам, амаль невядомая абывацелю, таму я вырашыў яе крышачку папіярыць у тытуле альбома», — расказаў Яўген.

Яўген падкрэслівае, што ў яго не было мэты стварыць поп-хіты з «прыліпаючымі мелодыямі». Яго цiкавiць андэграўндная, умерана эксперыментальная музыка, галоўнае ў якой — свабода і філасофскі канцэпт.

Ад эстрады да дваровага блатняка

Аўтар усіх тэкстаў, вакаліст, кампазітар, аранжыроўшчык, гукарэжысёр і нават дызайнер вокладкі альбома — сам Яўген. Ён пажартаваў, што пачаў спяваць пасля таго, як яго аднакласніца сказала, што аддалася б вакалісту System of a Down Сержу Танкяну.

 — У сярэдніх класах школы мы з лепшым сябрам адпраўляліся пешшу, познім вечарам, у цемры, на 13-ы форт Гродзенскай крэпасці. Ішлі праз лес і гарлапанілі ўсякія песні, ад эстрады да дваровага блатняка. Так я заўважыў, што маю некаторыя задаткі для спеваў, хаця на фоне сябра было лёгка вылучыцца, бо ў яго не было не толькі голасу, але нават і музыкальнага слыху. Пасля гэтага я стаў рабіць самае правільнае, што можа рабіць пачатковец - спяваць, — расказаў Яўген у Facebook.

У свой час Яўген спяваў у гурце з дзяўчынкай, якая калісьці выступала на «Славянскім базары», прайшоў кастынг на вакансію дыджэя на буйным радыё і шмат трэніраваўся, паўтараючы за профі.

Таксама Яўген малюе карціны — падпісчыкі жартуюць, што за шматлікасць талентаў яго будуць называюць «гарадзенскім Леанарда».

Падзяліцца

Апошнія запісы

«Высокая небяспека для грамадства». У Іўі за падпіскі аштрафавалі пастыра

За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…

18 мая 2024

Натарыус адмовіўся рабіць даверанасць для гродзенца са спісу «тэрарыстаў». Той паскардзіўся ў суд

Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…

17 мая 2024

У актывісткі страйкама з Гродна на радзіме арыштавалі маёмасць

На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…

17 мая 2024

Дзяўчынку, якая выпала з атракцыёна ў Лідзе, перавялі з рэанімацыі ў траўматалогію. Што з ёй зараз?

Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…

17 мая 2024

Ва ўдзельнікаў святкавання Дня Волі за мяжой абяцаюць забраць маёмасць у Беларусі

Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…

17 мая 2024

Новы будынак у цэнтры Гродна — пад Новым замкам — адбудуюць паводле гістарычнага выгляду

Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…

17 мая 2024