Фота: by24.org
1227 заяў аб вызваленні ад аплаты паслуг з поўным пакрыццём выдаткаў разгледзелі камісіі Ленінскага і Кастрычніцкага раёнаў Гродна з пачатку года. Гродзенцы пацвярджалі працоўную занятасць, у тым ліку за мяжой, знаходжанне ў цяжкай жыццёвай сітуацыі, занятак рамесніцтвам. Аб сітуацыі ў горадзе расказала «Гродзенская праўда».
У спісы плацельшчыкаў жыллёва-камунальных паслуг па тарыфах з поўным пакрыццём выдаткаў уносяць тых, каго прызнаюць «дармаедам». Займаюцца гэтым пастаянна дзеючыя камісіі па каардынацыі работы па садзейнічанні занятасці насельніцтва. Такія ёсць у кожным райвыканкаме. Каб вас выключылі са спісу, трэба падаць у камісію дакументы, якія пацвярджаюць занятасць.
Не занятыя ў эканоміцы павінны ўносіць поўную плату за падагрэў вады, цеплазабеспячэнне, а таксама газазабеспячэнне — пры наяўнасці індывідуальных газавых ацяпляльных прыбораў. Тарыфы вызначаны Указам Прэзідэнта ад 23 снежня 2021 г. № 507 «Аб устанаўленні тарыфаў для насельніцтва ў сферы жыллёва-камунальнай гаспадаркі на 2022 год».
З сакавіка 2022 года ў Беларусі ў пытанне «дармаедства» ўнеслі шэраг змяненняў. Раней чалавек, які працуе або навучаецца за мяжой, прызнаваўся занятым, калі падаў адпаведныя дакументы. Цяпер улічваецца толькі праца ці вучоба на тэрыторыі дзяржаваў - удзельнікаў Еўразійскага эканамічнага саюза. Гэта Арменія, Беларусь, Казахстан, Кыргызстан і Расія.
Катэгорыі грамадзян, якія прызнаюцца незанятымі, вызначыла пастанову Савета Міністраў № 239 ад 31 сакавіка 2018 г.
Спісы працаздольных грамадзян, якія не занятых у эканоміцы, фармуюцца штоквартальна. Каб праверыць, ці ўключаны ў базу, неабходна звярнуцца ў камісіі па месцы рэгістрацыі. Гродзенцы могуць звярнуцца ў службу «Адно акно» адміністрацый Ленінскага (вул. Лермантава, тэл. 39−59−34) або Кастрычніцкага (вул. Гагарына, 18/2, тэл. 49−06−89) раёнаў.
Чытайце таксама:
Упраўленне па працы, занятасці і сацыяльнай абароне Гродзенскага гарвыканкама за 2022 год дапамагло ў працаўладкаванні 1477 грамадзянам, 55 чалавек накіравалі на прафесійнае навучанне, 17 беспрацоўным далі бязвыплатную субсідыю для арганізацыі прадпрымальніцкай і рамеснай дзейнасці. Штодня ў базе дадзеных у Гродне ёсць больш за 2800 вакансій.
Асноўныя меры па забеспячэнні занятасці насельніцтва на 2021−2025 гады вызначаны дзяржаўнай праграмай «Рынак працы і садзейнічанне занятасці». Непрацуючым грамадзянам прапануюць:
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…