Так выглядае помнік Свістуну. Фота: Instagram завода
На магіле вядомага вулічнага музыкі Станіслава Семінскага, якога называлі «Свістун» нарэшце з’явіўся помнік. Яго зрабілі на Гродзенскім каменеапрацоўчым заводзе за кошт самога завода. Помнік выраблены з некалькіх відаў каменя і, па задумцы, перадае гісторыю музыкі.
«Лісцік ліпы зроблены на высокадакладным станку з суцэльнай камлыгі натуральнага каменя піраксеніту. „Гэта быў любімы „інструмент“ Станіслава, па яго словах ён найбольш ярка перадаваў мелодыі. Брук пад лісцікам асацыюецца з брукаваннем некаторых вуліц цэнтра Гродна. Ну, а сама легенда горада намаляваная на фоне фарнага касцёла на плошчы Савецкай, дзе ўласна і часцей за ўсё бачылі"Свістуна“», — патлумачылі стваральнікі канцэпцыю помніка.
Вулічны музыка Станіслаў Семінскі памёр 13 студзеня 2021 года. Яго пахавалі толькі 9 лютага на могілках «Аульс» у сектары 88, за кошт сацыяльнай дапамогі. Блізкіх у музыкі не засталося. Многія чытачы Hrodna.life, даведаўшыся пра смерць Свістуна, прапаноўвалі арганізаваць збор сродкаў на помнік. Кіраўнік аддзела продажаў ТАА «Гродзенскі камнеапрацоўчы завод» Міхаіл Дзярнейка расказаў Hrodna.life, што ў прадпрыемства ёсць жаданне і магчымасць паставіць помнік на магіле Свістуна бясплатна. «Так мы хочам аддзячыць яго за тыя эмоцыі і ўсмешкі, якія ён дарыў гараджанам і гасцям нашага горада на працягу доўгіх гадоў», — патлумачыў тады Міхаіл Дзярнейка. Першы эскіз быў гатовы ўжо ў лютым 2021 года, усталяванне планавалі не раней за восень. Мантажу памятнага комплексу замінала гліністая глеба Аульса і доўгая зіма-2022.
Станіслава Семінскага ведалі многія гараджане яшчэ з 1990-х гадоў. У любое надвор’е ён выступаў у цэнтры Гродна і граў на лістках.
«Быў у нас у вёсцы стары, які ўвесь час граў на зялёных лістах. Я папрасіў, каб ён мяне навучыў. Тэхніку я зразумеў хутка і ўжо да 10 гадоў мог зграць некалькі мелодый. А праз нейкі час — усё што заўгодна. У маім рэпертуары шмат класікі. Нават ёсць паланэз Агінскага, які вельмі любяць гродзенцы», — распавядаў у 2017 годзе Станіслаў. Акрамя лісця ён умеў іграць і на баяне.
Станіслава запрашалі граць на вуліцах заходніх гарадоў, але ён адмаўляўся — усё жыццё пражыў у Гродне і стаў мясцовай славутасцю.
Чытайце таксама: Многие думали, что это легенда: смотрите, как Свистун выступал на рок-концерте в Гродно (ВИДЕО)
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…