Навіны

Гісторыя, інтэрактывы і дэгустацыя. У Лідзе адкрылі «Музей лідскага бровара»

«Музей лідскага бровара» адкрылі ў Лідзе 29 сакавіка. Яго размясцілі ў гістарычным будынку піўзавода «Лідскае піва». Для наведвальнікаў музей пачне працаваць у красавіку. У музеі экскурсантам не толькі раскажуць пра гісторыю піва, але і навучаць дэгуставаць розныя гатункі. У экспазіцыі музея выкарысталі сучасныя мультымедыйныя тэхналогіі і інтэрактыўныя зоны.

Музей лідскага бровара. Крыніца: museum.lidskae.by

Музей размяшчаецца на чатырох паверхах. На першым — экспазіцыя пра развіццё піваварэння ад старажытных шумераў па сённяшні дзень. Акрамя гэтага там прадстаўлена калекцыя бутэлек і этыкетак канца ХІХ — пач. ХХ стагоддзя.

На другім паверсе размясцілі інтэрактыўныя зоны. Там можна даведацца пра араматы, пахі і інгрыдыенты, якія належаць таму ці іншаму сорту піва. Таксама можна азнаёміцца з табліцай стыляў піва і разнастайнымі формамі піўных куфляў. Пасля інтэрактыўнай гульні можна атрымаць імянную этыкетку, піша сайт Tio.by.

Трэці паверх прысвяцілі гісторыі развіцця «Лідскага піва». На чацвёртым паверсе — дэгустацыйная зала. У ёй гід распавядзе пра правілы дэгустацыі і культуру піцця піва.

Да адкрыцця музея рыхтаваліся чатыры гады

Будынак, у якім размясціўся музей, рыхтавалі з 2018 года. Да 2019 года там адбываліся рэстаўрацыйныя працы па аднаўленні фасадаў гістарычнага будынка варкі. У 2020−2021 рамонт праводзілі ў памяшканнях музея. Апошнім этапам стала стварэнне музейнай экспазіцыі.

Дзе знаходзіцца музей і як у яго патрапіць

Новы музей адкрылі ў Лідзе на вуліцы Міцкевіча, 32. Ён працуе з серады па нядзелю з 10:00 па 18:00. Наведаць яго могуць асобы, якія маюць 18 гадоў. Цана экскурсіі 20 рублёў. Запісацца на экскурсію можна на сайце музея.

Падзяліцца

Апошнія запісы

У Гродзенскай вобласці - найхутчэйшы рост цэн на прадукты. Што стала есці даражэй?

Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…

2 мая 2024

Школьнікі з Гродна наведалі ізалятар і стрым з вязнем гродзенскай турмы

Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…

2 мая 2024

У цэнтры Гродна заканчваюць будаваць буйны офіс для айцішнікаў

У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…

2 мая 2024

ІП везла праз мяжу б/у рэчы для дабрачыннай арганізацыі - вось за што яе аштрафавалі

Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…

1 мая 2024

У гістарычным цэнтры Гродна прадаюць вялізную кватэру з вінным склепам — за $ 266 500

На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…

1 мая 2024

Цэны на арэнду кватэр у Гродне пайшлі ўгору перад доўгімі выхаднымі - чакаецца лавіна турыстаў

У Гродне пачаўся рост цэн за арэнду кватэры на майскія святы. Гэта звязваюць з плынню…

1 мая 2024