Павел Салаўёў (злева) у складзе гурта "Папараць"
Музычны праект «Папараць» з Гродна апублікаваў альбом «Вуціца». У рэліз увайшло 10 песень. Дзевяць з іх народныя, адна напісаная вакалісткай гурта Таццянай Салаўёвай.
Ідэі стварыць альбом у музыкаў не было. «Калі раптам супала шмат абставінаў: знайшліся вольныя грошы, вольны час, вольныя мазгі, з’явіўся гукарэжысёр, — тады паўстала ідэя зафіксаваць у студыі тое, што гралася на канцэртах цягам некалькіх гадоў», — распавёў Hrodna.life музыка гурта «Папараць» Павел Салаўёў.
Альбом «Вуціца» — гэта першы афіцыйны рэліз праекта «Папараць». У 2021 годзе выйшаў альбом «Заклятая кветка купальная», але тая праца была выканана ў межах музычнага праекта «Аум!».
Музыкі задаволены вынікам працы. «Калі б мне трапіў у рукі гэты альбом, запісаны іншымі музыкамі, дык я б яго слухала» — сказала Hrodna.life вакалістка гурта «Папараць» Таццяна Салаўёва.
«Усім астатнім таксама падабаецца. Гэта самая дарослая наша праца. Шмат інструментаў прапісана, нешта было зроблена, а пазней перароблена. А бонусам ідуць дзве не зусім звычайныя для „Папараці“ народныя песні з папярэдніх рэлізаў, якія маюць гучанне, што адрозніваецца ад нашага традыцыйнага», — сказаў Павал Салаўёў.
«Маючы скончаную працу, мы разумеем, што тое-сёе можна было б зрабіць інакш, больш цікава, больш дасканала. Аднак гэта звычайнае стаўленне музыкаў да таго, што ўжо зроблена — дасканаласці няма межаў, некалі трэба спыніцца, паставіць кропку, адпусціць альбом у свет ды ісці далей», — лічыць Павел.
Гурт працуе ў студыі больш за год. Музыкі адначасова пішуць тры альбомы. Першы — «Вуціца» — народныя песні ў апрацоўцы гурта. Другі і трэці пакуль не маюць назвы. Але ў іх войдуць песні на тэксты Таццяны Салаўёвай, вершы паэтаў, сярод якіх Лейб Найдус, Ларыса Геніюш, Ніна Габрыэлян, Таццяна Шэіна. Таксама будуць пераклады Паўла Салаўёва з чэшскай ды ідышу. Адзін альбом будзе на беларускай мове, другі на рускай. Музыкі спадзяюцца, што рэліз адбудзецца ў сакавіку-красавіку 2022 года.
«Папараць» — праект, які доўгі час быў безназоўным. Афіцыйна аформіўся ў 2021 годзе. У склад гурта ўваходзяць: Таццяна Салаўёва, Ігар Адасік, Ілля Пячынін і Павел Салаўёў, як сэсіённы музыка — Аляксандр Блахін.
Чытайце таксама: «Святы вечар» Ларисы Гениюш стал песней и клипом. Смотрите, какой рождественский проект сделали в Гродно
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…