Купалаўскі ўніверсітэт заняў 3903 месца сярод сусветных ВНУ. Раней гэты паказчык быў вышэй

Гродзенскі дзяржаўны ўніверсітэт імя Янкі Купалы паводле рэйтынгу Webometrics Ranking of World Universities заняў пятае месца сярод 57 ВНУ Беларусі. У сусветным спісе ГрДУ займае 3903 месца.

Па якіх паказчыках ранжыруюць ВНУ

Рэйтынг Webometrics Ranking of World Universities існуе з 2004 года. Яго складае іспанская даследчая лабараторыя Laboratorio de Internet. WRWU ​​абнаўляюць двойчы ў год — у студзені і ліпені. Вышэйшыя навучальныя ўстановы ранжыруюцца па чатырох паказчыках. Яны характарызуюць узровень навуковых публікацый і прысутнасць універсітэтаў у сусветнай інтэрнэт-прасторы. Складаюць рэйтынг паводле колькасці цытавання навуковых прац.

WRWU не адлюстроўвае ўзровень адукацыі ўстановы, а таксама не ўлічвае ўзровень прафесарска-выкладчыцкага складу ВНУ і агульную вытворчасць працыю. Акрамя гэтага ў Webometrics адсутнічае паказальнік інтэрнацыяналізацыі ўніверсітэта.

На якіх месцах іншыя гродзенскія ВНУ

Гродзенскі медычны ўніверсітэт займае сёмае месца сярод беларускіх ВНУ ў рэйтынгу WRWU. У свеце Гродзенскі медуніверсітэт на 4774 месцы. Гродзенскі аграрны ўніверсітэт займае 23 пазіцыю сярод беларускіх ВНУ і 8264 сярод сусветных.

На першым месцы сярод беларускіх ВНУ — Беларускі Дзяржаўны Універсітэт, а на другім — Беларускі Нацыянальны Тэхнічны Універсітэт.

За чатыры гады ГрДУ апусціўся на адну пазіцыю. У 2018 годзе ён займаў чацвёртую пазіцыю сярод беларускіх ВНУ.