Трох з пяці грамадзян Беларусі, зняволеных у межах «польскай справы», вывезлі ў Польшчу. Гэта Ірэна Бернацкая, Марына Цішкоўская і Ганна Панішава. За кратамі застаюцца Анджэй Пачобут і Анжаліка Борыс.
Пра гэта паведаміла дырэктарка «Б****т» Агнешка Рамашэўская ў сваім Twitter. Крыніцы Hrodna.life пацвярджаюць дадзеную інфармацыю. Актывістаў мелі вывезці ў Польшчу яшчэ на мінулым тыдні.
Вярнуцца ў Беларусь тыя, каго вывезлі, не змогуць. На мяжы ім далі падпісаць адпаведныя дакументы. Журналіст і сябра непрызнанага беларускімі ўладамі Саюза палякаў Беларусі Анджэй Пачобут катэгарычна адмовіўся ад прапановы пакінуць Беларусь, дадала Рымашэўская. Жонка журналіста Аксана Пачобут у Facebook піша, што Анджэю дагэтуль не аддалі неабходныя лекі, якія перадалі ў СІЗА яшчэ тыдзень таму.
Ірэна Бернацкая і Марыя Цішкоўская — прадстаўніцы грамадскіх польскіх школ у Лідзе і Ваўкавыску. Іх, як і Пачобута, затрымалі 25 сакавіка 2021 года. Прадстаўнікі Саюза палякаў праходзілі па крымінальнай справе па ч. 3 арт. 130 КК (Распальванне расавай, нацыянальнай, рэлігійнай альбо іншай сацыяльнай варожасці або розні). Паводле артыкула, ім пагражае ад 5 да 12 гадоў зняволення. Раней іх прызналі палітвязнямі.
Колькі дакладна фігурантаў у справе, невядома. Зняволенай застаецца старшыня непрызнанага беларускімі ўладамі Саюза палякаў Анжаліка Борыс. Яе затрымалі 23 сакавіка, асудзілі на 15 сутак, але пасля не выпусцілі з-пад варты. У сярэдзіне траўня затрыманым працягнулі тэрмін зняволення на тры месяцы, паведамляў znadniemna.pl.
У сакавіку пракуратура распачала крымінальную справу за ўшанаванне антысавецкіх дзеячаў. МЗС Беларусі выслала з краіны консула ў Брэсце Ежы Цімафеюка, а пасля і генеральнага консула Гродне Яраслава Ксёнжыка.
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…