Галоўны рэдактар Hrodna.life Аляксей Шота 9 красавіка падаў скаргу ў Гродзенскі абласны суд на рашэнне суда Ленінскага раёна Гродна. 19 сакавіка яму прысудзілі штраф у 400 базавых велічынь (11 600 рублёў) — як прадстаўніку арганізацыі - і 25 базавых велічынь (725 рублёў) — як фізічнай асобе за распаўсюд экстрэмісцкай інфармацыі. Аляксей Шота не пагадзіўся з рашэннем суда.
На думку Аляксея і рэдакцыі Hrodna.life, рашэнне трэба адмяніць у сувязі з аднабаковасцю, непаўнатой і неаб’ектыўным даследаваннем абставінаў. Справу варта спыніць за адсутнасцю складу адміністрацыйнага правапарушэння, лічыць галоўны рэдактар. Калі пройдзе пасяджэнне ў абласным судзе, пакуль невядома.
У судзе 19 сакавіка Аляксей Шота прызнаў, што сапраўды размясціў спасылку і лагатып Telegram-канала ў матэрыялах на сайце. Але, па-першае, на той момант Telegram-канал не быў прызнаны экстрэмісцкім. Па-другое, пасля прызнання яго экстрэмісцкім на сайце выдалілі ўсе згадкі, якія змаглі знайсці. А значыць, свядомага, мэтанакіраванага і наўмыснага распаўсюджвання экстрэмісцкіх матэрыялаў, што ставілася ў віну Аляксею, не было.
19 сакавіка ў судзе Ленінскага раёну Гродна галоўнаму рэдактару Hrodna.life Аляксею Шоце прысудзілі штраф у 400 базавых велічынь (11 600 рублёў) — як прадстаўніку арганізацыі - і 25 базавых велічынь (725 рублёў) — як фізічнай асобе — па арт.17.11 КаАП (у рэдакцыі 2003 года). Канфіскаваны падчас агляду ў рэдакцыі ноўтбук канфіскавалі. Астатнюю канфіскаваную тэхніку адправілі на экспертызу і па гэтым факце пачалі асобную праверку.
Справу разглядала суддзя Наталля Козел. Сведкам па справе праходзіў супрацоўнік міліцыі Вадзім Налівайка, таксама ўдзельнічаў прадстаўнік АУС Андрэй Пігульскі.
12 красавіка па тым жа артыкуле пачнуць судзіць рэдактара newgrodno.by Ігара Бублікава (Рэмзіка). Таксама праводзяць праверку ў дачыненні да «Газеты Слонімскай».
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…