Вадим Синявский. Фото: grodnonews.by
Новым кіраўніком МНС Беларусі стаў генерал-маёр міліцыі Вадзім Сіняўскі, былы начальнік Упраўлення ўнутраных спраў Гродзенскага аблвыканкама. Ён узначальваў гродзенскую міліцыю шэсць гадоў, а пасля выбараў 9 жніўня прасіў прабачэння перад гродзенцамі за гвалт сілавікоў на вуліцах горада.
Вадзім Сіняўскі прызнаў, што такое прызначэнне стала для яго нечаканым. Ён адзначыў, што вялікую ўвагу збіраецца надаць службовай дысцыпліне, кадрам і матэрыяльна-тэхнічнай базе МНС, піша БелТА.
Раней Міністэрства надзвычайных сітуацый Беларусі ўзначальваў генерал-лейтэнант унутранай службы Уладзімір Вашчанка.
Вадзім Сіняўскі стаў начальнікам гродзенскай міліцыі ў 2014 годзе. Да яго ёй кіраваў Уладзімір Сычэўскі, ад пасады яго вызвалілі ў сувязі з узростам. Таксама ў 2014 годзе Сіняўскі стаў старшынёй Гродзенскай абласной арганізацыйнай структуры Беларускага фізкультурна-спартыўнага таварыства «Дынама».
За апошнія месяцы Сіняўскі запомніўся тым, што 17 жніўня афіцыйна прабачыўся перад гродзенцамі за прымяненне сілы ў дачыненні да ўдзельнікаў акцый пратэстаў. Ён абяцаў разабрацца па ўсіх фактах прычынення шкоды здароўю людзей. Да гэтага 13 жніўня Сіняўскі сустракаўся з работнікамі «Хімвалакно», якія патрабавалі спыніць гвалт у горадзе і вывесіць сапраўдныя пратаколы з галасавання. Ён паабяцаў, што бранаваныя пазадарожнікі па горадзе ездзіць не будуць, але падкрэсліў, што палітыка — не яго кампетэнцыя.
Чытайце таксама: Гродненские активисты встретились с чиновниками. На какие вопросы (не)ответили власти
Пасля выбараў прэзідэнта Беларусі 2020 года ні адзін супрацоўнік міліцыі не быў прыцягнуты да адказнасці за перавышэнне паўнамоцтваў. Усяго за дзень да свайго прызначэння кіраўніком МНС Вадзім Сіняўскі ўручаў ўзнагароды гродзенскаму АМАПу.
Вадзім Сіняўскі нарадзіўся ў 1970 годзе ў Маладзечна, скончыў Саратаўскае вышэйшае ваеннае каманднае Чырвонасцяжнае вучылішча імя Дзяржынскага МУС СССР, у 2002 — Акадэмію МУС Рэспублікі Беларусь. У органах унутраных спраў ён працуе з 1992 года. Працаваў у Мядзельскім РАУС, узначальваў Валожынскі РАУС,
з 2005 па 2009 год быў намеснікам начальніка міліцыі грамадскай бяспекі і спецыяльнай міліцыі УУС Мінскага аблвыканкама — начальнікам Упраўлення аховы правапарадку. З 2009 года працаваў у службе бясьпекі прэзыдэнта, з 2012 года — быў начальнікам Дэпартамента аховы МУС Беларусі.
Гэта не адзіны перавод з гродзенскай міліцыі 11 сакавіка. Намеснік начальніка УУС Гродзенскага аблвыканкама палкоўнік міліцыі Ігар Генец стаў старшынёй Іўеўскага райвыканкама.
Чытайце таксама:
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…