Трэба пабудаваць новы азотны комплекс, мадэрнізаваць завод і забяспечыць стабільную працу прадпрыемства. Генеральны дырэктар ААТ «Гродна Азот» Ігар Ляшэнка распавёў БЕЛТА аб асноўных задачах на новай пасадзе.
На пасаду гендырэктара «Гродна Азот» яго рэкамендавалі віцэ-прэм'ер Назараў і кіраўнік канцэрна па нафце і хіміі Рыбакоў, паведаміў Telegram-канал «Пул Первого».
Ігар Ляшэнка
У ліку ключавых задач назваў Ігар Ляшэнка:
Праект будаўніцтва новага азотнага комплексу папярэдне ацэньваўся ў 1,2 млрд долараў. Яго плануецца ўвесці ў эксплуатацыю да 2025 года. Новы комплекс дазволіць вырабляць 1,25 млн тон азотных угнаенняў за год.
Ігар Ляшэнка даўно знаёмы з працай «Гродна Азоту», бо ён курыраваў гэта прадпрыемства на пасадзе віцэ-прэм'ера і кіраўніка канцэрна «Белнафтахім», адзначыў Аляксандр Лукашэнка БЕЛТА.
«Гэта вельмі важнае прадпрыемства, стратэгічнае, — падкрэсліў Аляксандр Лукашэнка. — Мы шмат казалі пра тое, што ніякіх хістанняў на гэтым прадпрыемстве быць не можа, таму што не дай бог што здарыцца — зараза накрые ўсё Гродна. Таму там павінна быць жорсткая дысцыпліна. Не толькі тэхналагічная, але і ў арганізацыйным плане. Вазьміцеся за гэта. Шчыра скажу: літаваць і шкадаваць кагосьці за парушэнне дысцыпліны там не дазволена. Не дай бог нешта здарыцца — страцім тысячы людзей, ні ў чым не вінаватых. Таму навядзіце парадак там».
Дзеючыя работнікі «Гродна Азот» адмовіліся каментаваць Hrodna.life планы Ігара Ляшэнка.
— Новы дырэктар вельмі аўтакратычны, яго ўжо баяцца. Калі ён кіраваў канцэрнам, там была вялікая цякучасць кадраў, — распавяла Hrodna.life былая супрацоўніца завода.
Яшчэ адзін былы работнік «Гродна Азот» распавёў, што гаворка аб будаўніцтве новага азотнага комплексу ідзе ўжо 15 гадоў. Улічваючы яго кошт, патрэбныя крэдыты, а еўрапейскія банкі адмовяцца іх прадастаўляць. Што тычыцца мадэрнізацыі, для гэтага таксама патрэбныя грошы, а цяпер завод і так закрэдытаваны «да апошняй цэгліны». На думку супрацоўніка, Ігара Ляшэнка прызначылі для рэалізацыі рэпрэсій, у той час як былы гендырэктар Ігар Бобыр больш цікавіўся працай прадпрыемства. Менавіта гэтага, на яго думку, уключае ў сябе пункт «праца з калектывам «Гродна Азот».
Власть: новый азотный комплекс «Гродно Азот» могут начать строить в 2021 году
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…