Камерцыйныя банкі зрабілі больш жорсткімі ўмовы выдачы пазык для ўсіх катэгорый крэдытаатрымальнікаў, гаворыцца ў аналітычным аглядзе Нацбанка. Яго падрыхтавалі на аснове апытання топ-мэнэджараў камерцыйных банкаў.
У трэцім квартале камерцыйныя банкі зрабілі больш жорсткімі ўмовы выдачы крэдытаў «для ўсіх катэгорый бізнэсу», адзначаюць аўтары аналітычнага агляду. Таксама сталі больш жорсткімі ўмовы рэфінансавання раней прадастаўленых крэдытаў у замежнай валюце крэдытамі ў беларускіх рублях для прадстаўнікоў малога і сярэдняга бізнесу.
Сталі больш жорсткімі і патрабаванні да фінансавага становішча ўсіх крэдытаатрымальнікаў: як для бізнесу, так і для фізічных асоб (на спажывецкія патрэбы).
Узмацненне жорсткасці крэдытавання адбылося ў сувязі з недахопам рэсурсаў.
У трэцім квартале пасля прэзідэнцкіх выбараў пагаршэнне палітычнай сітуацыі ў краіне прывяло да адтоку дэпазітаў з камерцыйных банкаў. Для зніжэння ціску на валютны курс беларускага рубля Нацбанк абмежаваў у трэцяй дэкадзе жніўня прадастаўленне камерцыйным банкам рублёвай ліквіднасці. Такія абмежаванні працягнутыя да 19 студзеня. Гэта таксама паўплывала на абвастрэнне праблем з ліквіднасцю для банкаў.
У першым квартале 2021 года камерцыйныя банкі чакаюць змякчэння ўмоў крэдытавання для буйнога бізнэсу, сказана ў аглядзе Нацбанка. Пры гэтым не прыводзіцца абгрунтаванне, з чым гэта можа быць звязана.
— Думаю, урад будзе ціснуць на зніжэнне рублёвых ставак.
Але гэта відавочна і цяпер. Пытанне ў тым, ці дазволіць макраэканоміка гэта зрабіць, — адзначыў у размове з карэспандэнтам БелаПАН топ-менеджар аднаго з банкаў.
Чытайце таксама: Макей: Беларусь приостанавливает диалог по правам человека с Европейским союзом, пока не разморозят программы банков
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…