Скрыны дакументаў увечары 15 верасня апублікаваў блогер Антон Матолька. З іх становіцца ясна, што кіраўнік МУС Юрый Караеў адправіў ліст у пастаянную камісію Палаты прадстаўнікоў Нацыянальнага сходу. Кіраўнік ведамства адзначае неабароненасць сваіх супрацоўнікаў падчас адміністрацыйных працэсаў і прапануе змяніць закон у бок бяспекі ўдзельнікаў працэсу і іх сем’яў. Афіцыйны прадстаўнік МУС Вольга Чамаданава пацвердзіла сапраўднасць дакументаў. Больш шырокі каментар, адзначаюць ва ўстанове, з’явіцца пазней, піша Onliner.by.
— Пры вядзенні адміністрацыйнага працэсу часцяком узнікаюць складанасці з абаронай асоб, якія ўдзельнічаюць у адміністрацыйным працэсе, у тым ліку службовых асоб дзяржаўных органаў, якія ажыццяўляюць службовую дзейнасць, выкананне якой можа быць спалучана з замахам на бяспеку названых асоб, іх блізкіх, альбо разгалашэннем службовай інфармацыі, персанальных дадзеных супрацоўнікаў.
Асобна неабходна адзначыць неабароненасць супрацоўнікаў органаў унутраных спраў падчас разгляду спраў аб адміністрацыйных правапарушэннях у дачыненні да асоб, якія ўдзельнічалі ў незаконных масавых мерапрыемствах (мітынгі, шэсці, пікеты), якія з’яўляюцца ўдзельнікамі нефармальных аб’яднанняў і рухаў, якія аказваюць групавое непадпарадкаванне органам улады.
У тэксце адзначаецца, што сілавікі часта выступаюць у працэсах сведкамі.
— Судовыя паседжанні пры гэтым з’яўляюцца адкрытымі, дзе прадстаўнікамі дэструктыўных сіл, СМІ і іншымі асобамі вядзецца аўдыё-, фота-, відэафіксацыя працэсу. Атрыманая інфармацыя з персанальнымі дадзенымі супрацоўнікаў і іх фатаграфіямі ў апошні час нярэдка размяшчаецца ў сетцы Інтэрнэт з заклікамі аказання псіхалагічнага і фізічнага ціску на службовых асоб органаў унутраных спраў і іх сем’яў.
У міністэрстве мяркуюць, што пазначанай бяспекі ўдзельнікаў працэсу будзе спрыяць закрыты разгляд спраў.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…