Група каталіцкіх вернікаў Беларусі абвясціла аб старце кампаніі супраць фальсіфікацыі выбараў прэзідэнта, якія адбудуцца 9 жніўня. Праз кампанію ініцыятары спадзяюцца павысіць свядомасць католікаў і данесці інфармацыю аб тым, што фальсіфікацыя, удзел у фальсіфікацыях ці замоўчванне фактаў фальсіфікацый з’яўляецца цяжкім грахом, з якога трэба спавядацца.
— Наша задача — заахвоціць католікаў, якія ўваходзяць у склады выбарчых камісій, выконваць заканадаўства Беларусі і перадухіляць любыя парушэнні, — сказаў Hrodna.life Арцём Ткачук, адзін з ініцыятараў кампаніі.
У планах — публікацыі адкрытага ліста да католікаў, выказванні святароў і вядомых свецкіх вернікаў, інфармацыі аб навучанні Каталіцкага касцёла пра абавязкі ўдзелу вернікаў у грамадскім і палітычным жыцці, звароты да католікаў, якія ўдзельнічаюць у фальсіфікацыях.
Усе тэксты вывяраюць каталіцкія тэолагі, мэта і праграма акцыі не супярэчыць навучанню касцела. Святары падтрымліваюць акцыю, з імі пакуль ідуць перамовы. У планах звярнуцца да іерархаў. Кіраўнік Каталіцкага касцёла ў Беларусі мітрапаліт Тадэвуш Кандрусевіч 2 ліпеня заявіў, што «Выбары, якія перад намі, павінны быць сумленнымі, свабоднымі і справядлівымі», працытавала яго euroradio.fm.
— Кожны католік павінен лічыць галасы шчыра і сумленна. Калі існуюць перадумовы ці страх, што вынік выбараў у камісіі будзе скажацца, католік можа ўзяць самаадвод. Альбо — удзельнічаць у працы камісіі і інфармаваць адпаведныя органы пра парушэнні ананімна ці публічна, — тлумачаць ініцыятары кампаніі.
Яны адзначаюць, што свядомы ўдзел і пагадненне з несумленнай працай выбарчай камісіі з’яўляюцца саўдзелам і грахом супраць восьмай запаведзі. Яна забараняе фальшывае сведчанне і хлусню. Парушэнне любой запаведзі - гэта грэх, і католік не можа ў гэтым удзельнічаць.
— Сутнасць фальсіфікацыі - гэта падман і хлусня. Катэхізіс Каталіцкага Касцёла вучыць, што кожны чалавек пакліканы быць шчырым і праўдзівым у дзеяннях і словах, — адзначаецца ў праграме кампаніі.
Аўтары ідэі дадалі, што калі члены ўчастковай выбарчай камісіі фальсіфікуюць выбары, усе яе члены грашаць супраць восьмай запаведзі. Гэта цяжкі грэх, з якога трэба спавядацца.
Арганізатары інфармацыйнай акцыі выступаюць за супрацу з іншымі хрысціянскімі цэрквамі, але з-за арганізацыйных пытанняў было вырашана скіраваць мэсэдж перш за ўсе да католікаў, паведаміў Hrodna.life Арцём Ткачук.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…