Па стане на 3 ліпеня каронавірусам заразіліся 62 997 беларусаў, паведамляе Міністэрства аховы здароўя. Ачунялі і выпісаны 49 909 пацыентаў, 412 чалавек з пацверджаным раней COVID-19 памерлі.
За апошнія суткі ў Беларусі выявілі 299 новых выпадкаў хваробы, паводле афіцыйных звестак, памерлі 7 чалавек, 1171 пацыента выпісалі.
З пачатку распаўсюджвання каранавіруса ў Беларусі правялі 1 043 876 тэстаў. За апошнія суткі зрабілі 15 527 тэстаў, з іх 1,9% былі станоўчымі.
У адпаведнасці з загадам Міністэрства аховы здароўя № 690 ад 1 ліпеня 2020-га, цяпер беларусаў з сярэднецяжкай і цяжкай формай каранавіруса будуць пакідаць лячыцца дома пад назіраннем. Шпіталізаваць такіх пацыентаў могуць толькі пры наяўнасці пэўных фактараў, такіх як узрост больш за 55 гадоў, дадатковыя хваробы, патрэба ў лекаванні гідраксіхларахінам ці востры рэспіраторны дыстрэс-сіндром.
Пры планавай шпіталізацыі ў пацыентаў будуць адсочваць сімптомы каранавіруса і рабіць тэст на COVID-19 (перад аперацыямі і цяжарным — абавязкова).
29 чэрвеня Міністэрства аховы здароўя абвесціла аб вяртанні беларускіх бальніц да звычайнага рэжыму працы і планавай шпіталізацыі.
На Валыні, суседняй з Беларуссю вобласці Украіны, з 3 ліпеня ўзмацняюць карантынныя захады ў раёнах масавага адпачынку, у прыватнасці на вадаёмах, паведамляе «Радыё С**бода». У Шацкім раёне акрамя гэтага з 3 ліпеня забараняюцца рэгулярныя і нерэгулярныя пасажырскія перавозкі аўтамабільным транспартам у прыгарадных i мiжгароднiх зносінах унутры вобласьці.
Рэгіён займае чацьвёртае месца ва Украіне паводле распаўсюджвання каранавіруснай інфекцыі. Толькі мінулыя суткі ў вобласці знайшлі 63 новыя выпадкі інфікавання. Ва Украіне паводле стану на раніцу 3 ліпеня каранавірус выявілі ў 46 763 чалавек, памерлі 1212 пацыентаў, выздаравелі 20 558.
У ЗША за мінулыя суткі былі зарэгістраваныя 55 274 выпадкі каранавіруса, паведамляе Reuters. Гэта рэкордная колькасць новых выпадкаў за дзень сярод усіх краінаў свету з пачатку пандэміі. Паводле дадзеных Універсітэта Джонса Хопкінса ў ЗША выявілі найбольш выпадкаў COVID-19 у свеце — амаль 2,74 мільёна. 128,7 тысяч чалавек памерлі.
На другім месцы паводле колькасьці выпадкаў — Бразілія (набліжаецца да 1,5 мільёна), пасля ідзе Расія (660 тысяч выпадкаў).
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…