Прэтэндэнт у прэзідэнты Валерый Цапкала адказаў на пытанні Hrodna.life 23 чэрвеня ў час анлайн-сустрэчы арганізаванай Прэс-клубам.
HL: Якой павінна быць у Беларусі палітыка ў адносінах да нацыянальных меншасцяў? На Гродзеншчыне ёсць прыклад польскай меншасці, правы на адукацыю якой на роднай мове парушаюцца: наборы ў польскія школы штучна абмяжоўваюцца?
Валерый Цапкала: Сапраўды, палякі, магчыма, самая вялікая нацыянальнай меншасць у Беларусі. Але я не вельмі ўяўляю, як можна праграмы асноўных прадметаў выкладаць на нацыянальных мовах. Практыка большасці краін свету паказвае, што большасць асноўных прадметаў выкладаецца ў школах на дзяржаўных мовах, а асобна могуць вывучацца мовы нацыянальных меншасцяў. За мяжой ёсць іншамоўныя школы, але яны звычайна для замежнікаў.
Маё глыбовае перакананне — асноўныя прадметы павінны вывучацца на дзяржаўных мовах. Літаратура, мова, некаторыя гуманітарныя прадметы павінны быць па польску. Тэхнічныя прадметы — на дзяржаўных мовах, гэта значыць рускай ці беларускай.
Гэта выбар сыходзячы з практычнасці. Мы павінны арыентаваць грамадзян Беларусі на атрыманне адукацыі ў Беларусі. Але гэта пытанне патрабуе дадатковага вывучэння. Падрабязна адказаць я зараз не гатовы.
На маю думку, лепш прасоўваць усюды англійскую мову. Каб 20−30% прадметаў у ВНУ выкладалі на англійскай мове запрошаныя выкладчыкі, хай яны будуць з той жа Польшчы. Кожны выпускнік ВНУ павінен выдатна валодаць англійскай. Так ён будзе канкурэнтаздольным, прачытае апошнюю літаратуру па спецыяльнасці, будзе ўмець камунікаваць з бізнес-партнёрамі.
Польскай мова ў школе прадугледжвае, што чалавек з’едзе потым у Польшчу, бо не зможа паступіць у Беларусі з-за няведання тэміналогіі. Праграмісты ў Беларусі ведаюць англійскую мову і не хочуць з’язджаць у Польшчу, бо тут у іх лепшыя ўмовы.
Чытайце таксама:
Эканамічны суд Гродзенскай вобласці аштрафаваў індывідуальнага прадпрымальніка. Прычынай стала тое, што ён працягваў працаваць, хоць…
Новыя суддзі з'явіліся ў гарадскіх судах, абласным і эканамічным. Хтосьці сышоў з пасады па ўласным…
Маркетынг-дырэктар кампаніі «Лідскае піва» Алена Хомчанка прапанавала задаць пытанні аб прадукцыі брэнда ў Threads. Галінка…
У этна-краме «Цудоўня» цяпер прадаюць спэшалці каву «Кава Hrodzienska». Склад напою распрацоўвалі сумесна з кампаніяй…
Аказалася, што праекты другога этапа рэканструкцыі - узвядзенне сцен з боку Нёмана і паўночна-усходняй вежы…
У Гродзенскай вобласці праходзіць "інвентарызацыя" неэксплутаваных будынкаў. Да 10 кастрычніка актуалізуюць спіс такіх аб'ектаў. Па…
