Слонімскую сінагогу, пабудаваную ў 1642 годзе ў стылі барока, выставілі на продаж. Будынак з’яўляецца гісторыка-культурнай каштоўнасцю.
Пачатковы кошт для сінагогі - 137 000 рублёў, за такую суму можна купіць недабудаваны катэдж у гродзенскім мікрараёне Зарыца.
Зараз сінагога на балансе ў аддзела культуры Слонімскага райвыканкама. Паводле ўмощ продажу магчымая рэканструкцыя будынка пад аб’ект рэлігійнага (культавага) прызначэння, аб’ект культурна-асветніцкага і відовішчнага прызначэння. Магчыма растэрміноўка аплаты да 1 года. Тэрмін арэнды ўчастка пад будынкам — 50 гадоў.
Праектна-каштарысную дакументацыю для рэканструкцыі трэба распрацаваць цягам 2 гадоў. Пры аднаўленні будынка неабходна захаваць мастацкія, стылістычныя і канструктыўныя асаблівасці, і паспець увесці яго ў эксплуатацыю не пазней, чым праз 5 гадоў з дня заключэння дамовы. У выпадку невыканання абавязацельстваў прадавец можа скасаваць дамову ў аднабаковым парадку без вяртання сродкаў пераможцу аўкцыёна.
Аукцыён пройдзе праз тыдзень, 15 чэрвеня, у Гродне па адрасе 17 верасня, 39. Пачатак у 12:00. Апошні дзень падачы заяў на ўдзел — 10 чэрвеня.
Сінагога ў Слоніме — найстарэйшы будынак у горадзе і адна з самых старых сінагог у Беларусі. Да другой сусветнай вайны ў горадзе пражывала каля 17 тысяч габрэяў, але толькі 200 чалавек ацалелі. Пасля вайны сінагогу выкарыстоўвалі як склад. Апошнія два дзесяткі гадоў яна пустуе. За гэты час будынак стаў развальвацца і часта падвяргалася вандалізму, аднак частка ўнутранай аздобы ўсё яшчэ захавалася.
У пачатку 2018 году будынак патрапіла ў лік чатырох найбольш важных сінагог Еўропы, якія трэба аднавіць. У Англіі прадставілі праект па выратаванні сінагог Еўропы, створаны па ініцыятыве Фонду габрэйскага спадчыны, шукалі фінансаванне.
Кіраўнік асацыяцыі слонімскіх яўрэяў у Ізраілі Цві Шэфет летась сказаў, што слонімскія габрэі будуць збіраць у Ізраілі і ў іншых краінах свету сродкі на аднаўленне сінагогі, але павінна быць і пэўная дапамога з боку слонімскіх уладаў, піша «Радыё Рацыя».
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…