«Зялёны Гран-пры» праходзіць 22−24 траўня ў онлайн-фармаце — па відэасувязі. Фестываль аўтарскай песні і паэзіі пройдзе ўжо 39-ы раз.
У праграме — анлайн-канцэрт гасцей фестывалю і членаў журы, аб’ява пераможцаў анлайн-конкурсу. Пачатак трансляцыі - у 19.00 23 траўня. Спасылку апублікуюць непасрэдна перад пачаткам у суполцы ў Facebook.
Для ўдзелу ў фестывалі неабходна было запісаць выкананне песні ці вершаў на камеру і адправіць заяўку на электронны адрас аргкамітэта. Арганізатары атрымалі 145 заявак ад 109 чалавек. У фестывалі пяць намінацый: поўны аўтар, выканаўца аўтарскай песні, аўтар музыкі, паэт і выканальніцкі калектыў.
«Зялёны Гран-Пры» — штогадовы традыцыйны вясновы фестываль аўтарскай песні і паэзіі. Праводзіцца на лясной турбазе на беразе Нёмана недалёка ад Гродна, звычайна ў перадапошнія выхадныя траўня.
Арганізатары Vulitsa Ezha адмянілі два найбліжэйшыя фестывалі: 23−24 траўня ў Гродне і 13−14 чэрвеня ў Мінску, каб не падвяргаць небяспецы гасцей і ўсіх удзельнікаў.
— Мы спадзяемся, што эпідэміялагічная сітуацыя ў нашай краіне ў бліжэйшы час палепшыцца і ў нас будзе магчымасць правесці фестываль 22−23 жніўня ў Мінску, падрыхтоўку да якога мы актыўна працягваем. У нас будзе больш часу, каб абдумаць, як разнесці ўсе актыўнасці па сапраўды вялікай тэрыторыі Батанічнага саду і правесці мерапрыемства ў новых умовах, — паведамляюць у сваіх сацсетках арганізатары.
Правядзенне фестывалю ў Гродне адкладзена на нявызначаны тэрмін.
ХІІІ Фестываль нацыянальных культур пераносіцца на 2021 год з-за каронавіруса. Пра гэта распавёў старшыня Гродзенскага аблвыканкама Уладзімір Краўцоў.
Рэспубліканскі фестываль нацыянальных культур у 2020 годзе павінен быў прайсці 13-ы раз. Свята ў Гродне было запланаванае на 5 і 6 чэрвеня, а 7 чэрвеня ён павінен быў перамясціцца на Аўгустоўскі канал.
Музычны фестываль LIDBEER-2020, праца над якім стартавала яшчэ ў жніўні 2019, адменены. Пра гэта T*T.BY паведаміла кампанія-арганізатар мерапрыемства ААТ «Лідскае піва».
Піваварная кампанія з Ліды вырашыла перанеслі фестываль на 2021 год у сувязі з неспрыяльнай эпідэміялагічнай становішчам.
Новыя даты фестывалю пакуль не вызначаныя.
Біг-Міні-фестываль у Гродне праходзіць штогод у апошнія выхадныя ліпеня. Арганізатары спадзяюцца, што вірус адступіць і фестываль адбудзецца. Няхай з меншым маштабам, калі межы будуць зачыненыя. У дадзены момант арганізатары абмяркоўваюць гэтае пытанне з уладамі горада.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…