У Беларусі з 1 чэрвеня падвысяць субсідаваныя тарыфы на цеплазабеспячэнне — ацяпленне і абаграванне вады. Яны павялічацца з 18,4831 да 20,6216 рубля за 1 Гкал. Эканамічна абгрунтаваны тарыф на гэтыя паслугі таксама вырасце — з 88,99 рубля да 92,25 рубля за 1 Гкал (у мінулым годзе яго не павышалі).
Чэрвеньскае падаражэнне паслуг цеплазабеспячэння прадугледжана планавым павышэннем тарыфаў на жыллёва-камунальныя паслугі ў межах 5 долараў. У нашай краіне штогод з 1 студзеня планава падымаюць тарыфы на жыллёва-камунальныя паслугі ў межах 5 долараў у разліку на тыпавую двухпакаёвую кватэру з трыма жыхарамі пры нарматыўным спажыванні імі паслуг.
Як і у 2019 годзе, у 2020-м ўлады вырашылі павысіць тарыфы на ЖКП у 2 этапы: з 1 студзеня (агулам на 3,5 долара) і з 1 чэрвеня (на 1,5 долара). З чэрвеня — на цеплазабеспячэнне (ацяпленне і абаграванне вады).
Кошт ацяплення разлічваецца па агульнай плошчы кватэры і па сведчаннях агульнадамавых лічыльнікаў расходу цеплаэнергіі. Калі дома не стаіць лічыльнік на ацяпленне, то кошт за гэтую паслугу залежыць ад агульнай плошчы кватэр і сярэдніх нарматываў расходу энергіі на ацяпленне квадратнага метра такой агульнай плошчы.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…