Каб праверыць, як выконваецца самаізаляцыя, двойчы ў дзень адпраўляюцца па адрасах медыцынскія работнікі ўсіх гарадскіх паліклінік, супрацоўнікі занальнага цэнтра гігіены і эпідэміялогіі і міліцыі, піша grodnonews.by.
Як паведамілі ў занальным цэнтры гігіены і эпідэміялогіі, толькі за ўчорашні дзень такія камісіі пабывалі па амаль двумстах адрасах. Гродзенцы выконваюць самаізаляцыю і не скардзяцца на самаадчуванне.
— У першай палове дня падчас абыходу спецыялісты не змаглі пагутарыць з васемнаццаццю гродзенцамі. Па тэлефоне высветлілі, што шасцёра з іх самаізаляваліся на дачах. Астатнія, хоць і не адчынілі дзверы па розных прычынах, запэўнілі, што рэжым выконваюць. У гэтым на свае вочы пераканаліся, пабываўшы па гэтых адрасах у другой палове дня, — распавядае намеснік галоўнага лекара ЗЦГЭ Ірына Тупік.
Між тым чытачы Hrodna.life пішуць, што іх самаізаляцыя выглядае не так, як яе паказваюць у СМІ.
— У першы дзень пра мяне нават не ўспомнілі. На другі дзень патэлефанавала ўчастковая лекарка з паліклінікі, спытала, ці сяджу дома, а потым сказала: «Ну, цяпер вы мне тэлефануеце кожны дзень і кажаце пра сваё самаадчуванне», — расказвае хлопец, пра якога Hrodna.life пісаў раней і які павінен выконваць каранцін.
У чатырнаццацідзённай самаізаляцыі дазваляецца наведваць бліжэйшыя харчовы магазін і аптэку, выгульваць жывёл у радыусе паўкіламетра ад дома і выносіць смецце ў бліжэйшы месца яго збору. Аднак для гэтага трэба адпаведна экіпіравацца-надзець маску і пальчаткі, выконваць дыстанцыю ад іншых людзей у паўтара метра.
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…