Улады Польшчы прынялі рашэнне падоўжыць да 13 красавіка распараджэнне аб закрыцці межаў рэспублікі для процідзеяння распаўсюджванню каранавіруса новага тыпу. Пра гэта заявіў на брыфінгу 25 сакавіка міністр унутраных спраў і адміністрацыі Марыюш Каміньскі, піша n*.by. У Літве да 13 красавіка захоўваецца каранцін.
Як ён нагадаў, межы краіны былі закрытыя з 15 сакавіка на 10 дзён. «Гэта рашэнне прадоўжана яшчэ на 20 дзён. Да 13 красавіка межы нашай краіны застаюцца закрытымі», — сказаў міністр.
Акрамя гэтага, па словах Каміньскага, тыя, хто працуе ў суседніх з Польшчай краінах і штодня перасякае мяжу, з пятніцы павінны будуць адправіцца ў каранцін пасля прыезду ў рэспубліку. Раней гэтай катэгорыі грамадзян дазвалялася ездзіць на працу ў нармальным рэжыме.
У Польшчы зафіксавана 957 выпадкаў каранавіруса.
Урад Літвы ў гэты ж дзень пастанавіў падоўжыць ўсеагульны каранцін з-за распаўсюду каранавіруса да 13 красавіка ўключна, піша Delfi.lt.
«Каранцін падоўжаны да 24 гадзін 13 красавіка», — пацвердзіў BNS канцлер урада Альгірдас Станчайціс. Раней урад пастанавіла, што каранцін ўводзіцца да 30 сакавіка.
На час каранціну абмежаваны выезд з краіны і ўезд у яе, забароненыя масавыя мерапрыемствы, зачыненыя кафэ, многія крамы, розныя паслугі. Таксама не працуюць адукацыйныя ўстановы, жыхарам рэкамендавана працаваць з дому.
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…