Міністэрства замежных спраў звяртае ўвагу беларускіх турыстаў на ўвядзенне некаторымі краінамі абмежаванняў у сувязі з распаўсюджваннем каранавіруса. Адпаведная інфармацыя размешчана на афіцыйных старонках МЗС у сацыяльных сетках, паведамляе БЕЛТА.
«Дадаткова звяртаем увагу, што ў мэтах папярэджання завозу і распаўсюджвання COVID-19 некаторыя дзяржавы (альбо іх асобныя рэгіёны) увялі пэўныя абмежавальныя меры, звязаныя з уездам на іх тэрыторыю замежных грамадзян», — адзначылі ў ведамстве.
Па стане на 6 сакавіка абмежаванні рознай ступені, у прыватнасці, уведзены ў Аўстраліі, Бахрэйне, В’етнаме, Грузіі, Ізраілі, Індыі, Інданэзіі, Ярданіі, Іраку, Кувейце, Кыргызстане, Маўрыкіі, Малайзіі, Мальдывах, Манголіі, М’янме, Новай Зеландыі, Палау, Папуа — Новай Гвінеі, Рэспубліцы Карэя, Саудаўскай Аравіі, КНДР, Сінгапуры, ЗША, Туркменістане, Турцыі, Філіпінах, Японіі.
«Звяртаем увагу, што меры для кожнай канкрэтнай краіны розныя. Таму грамадзянам, якія плануюць паездкі ў названыя дзяржавы, у мэтах атрымання падрабязнай інфармацыі аб характары і тэрмінах абмежаванняў, неабходна звяртацца ў адпаведныя дыпламатычныя прадстаўніцтвы або консульскія ўстановы вышэйзгаданых краін», — дадалі ў міністэрстве.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…