Незвычайнае паведамленне паступіла старэйшаму ўчастковаму Гродзенскага РАУС Андрэю музычку: на возеры каля аграгарадка Гожа замярзае пара лебедзяў.
Як піша rgazeta.by, тэлефанавала мясцовая жыхарка, якая перыядычна прыходзіць на возера Танкавае, каб пакарміць птушак. У адзін з дзён яна ўбачыла, што лебедзі патрапілі ў ледзяную пастку, спрабуюць выбрацца, але не могуць самастойна. Плыць не атрымліваецца, падняцца на лёд таксама не ўдаецца, бо той крышыцца. Дзве гадзіны жанчына назірала, зразумела, што сітуацыя не зменіцца і патэлефанавала ўчастковаму. Яна палічыла, што пакідаць птушак так небяспечна, сіноптыкі ў тую ноч абяцалі мароз.
Андрэй Музычка аператыўна адрэагаваў на паведамленне. Пенсіянерка па-ранейшаму чакала на возеры. Міліцыянт папрасіў у мясцовага дачніка надзіманую лодку і паплыў ратаваць лебедзяў. Вяслом ламаў лёд, пракладваючы птушкам дарогу да берага, так яны змаглі выбрацца з пасткі.
Спецыялісты кажуць, што вадаплаўных птушак падкормліваць варта толькі ў вялікія маразы, калі тэмпература трымаецца на ўзроўні ніжэй за -15 градусаў. Лебедзямі і качкам можна прапанаваць збожжа, крупы і аўсяныя шматкі, але не трэба даваць ім хлеб і батон: яны даюць адчуванне сытасці на кароткі час, але не маюць патрэбных птушкам карысных рэчываў.
hrodna.life/articles/tsi-treba-karmits-ptushak-u-goradze-tlumachyits-dzmitryiy-vincheuski/
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…