У расіяніна, які на Toyota заязджаў у Беларусь, памежнікі канфіскавалі травяную гарбату з каноплямі. Выпадак адбыўся 5 снежня ў пункце пропуску «Прывалка», паведамляе rgazeta.by.
Падчас агляду аўтамабіля 38-гадовага мужчыны службовы сабака зрэагаваў на скрынку, што ляжала ў салоне на заднім сядзенні. У ёй апынулася травяная гарбата «Rеlax» з лісцем канопляў. Яна, па словах начальніка службы інфармацыі і сувязяў з грамадскасцю Гродзенскай памежнай групы Надзеі Масевіч, канфіскавана для правядзення экспертызы. Спецыяліст адзначыла, што за перамяшчэнне наркатычных сродкаў праз дзяржмяжу прадугледжана адказнасць па артыкуле 328−1 КК РБ.
Дарэчы, гэта ўжо не першы аналагічны выпадак за апошні час. 15 лістапада грамадзянін Літвы спрабаваў правезці дзве ўпакоўкі травяной гарбаты «Rеlax» з наркотыкам праз пункт пропуску «Прывалка». Пры гэтым мужчына сцвярджаў, што набыў яе ў звычайнай краме. Такую ж гарбату службовы сабака знайшоў і ў багажніку Audi, на якой 23-гадовы жыхар Гродзенскай вобласці 16 лістапада спрабаваў перасячы беларуска-польскую мяжу ў пункце пропуску «Беняконі».
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…