Кажуць, калі выйсці на cкрыжаванне ў любым горадзе СНД, то абавязкова ў поле зроку трапіць аўтамабіль або іншы транспарт з карданам або шарнірам гродзенскай вытворчасці, піша Autogrodno.by са спасылкай на БЕЛТА.
Сёння ААТ «Белкард» — пастаўшчык аўтакампанентаў для дзесяткаў айчынных і замежных вытворцаў тэхнікі. На дасягнутым у Гродне не спыняюцца: вытворчасць мадэрнізуецца, асвойваюцца новыя віды прадукцыі, пашыраецца, у тым ліку і за акіян, геаграфія паставак.Наменклатура вырабаў прадпрыемства перавышае тысячу найменняў: карданныя валы, перадачы, шарніры, крыжавіны, рулявыя цягі, амартызатары, тармазныя камеры і многае іншае. На падставе доўгатэрміновых дагавораў прадукцыя кампаніі пастаўляецца на зборачныя канвееры шматлікіх аўтамабільных заводаў, выкарыстоўваецца таксама ў аўтобусах, сельскагаспадарчай тэхніцы, у пасажырскіх вагонах і лакаматывах.
«Важна, што попыт на нашу прадукцыю павялічваецца. У 2019 годзе тэмпы росту аб’ёму вытворчасці склалі больш за 102%. Адзначаем і павелічэнне экспарту ў валюце кантрактаў. Усё гэта стымулюе на далейшае развіццё і ўдасканаленне. Мы не проста нарошчваем вытворчасць, каб задаволіць запыты партнёраў. усё робіцца для таго, каб прапанаваць ім яшчэ больш якасную і канкурэнтаздольную па цане прадукцыю», — распавядае дырэктар ААТ «Белкард» Андрэй Яначкін.
На вытворчасці выкарыстоўваецца абсталяванне ад вядучых сусветных вытворцаў. Аўтаматызацыя працэсаў дазваляе знізіць выдаткі на вытворчасць, павысіць якасць прадукцыі, выключыць чалавечы фактар. Часцяком замест 5−6 станкоў ўсе аперацыі выконваюцца на адным працоўным месцы станком з ЧПУ.
Цяпер прадпрыемства прапрацоўвае кантракт на пастаўку больш чым 600 тыс. такіх крыжавін на адрас заказчыка з ЗША.
Новы напрамак цалкам можа стаць пастаянным. Тым больш што ААТ «Белкард» прайшло аўдыт вядомага амерыканскага вытворцы сельгастэхнікі John Deere ў якасці пастаўшчыка камплектуючых.
На ААТ «Белкард» арганізавана новая вытворчасць фланцаў для каробак перадач, раздатачных мастоў, іншых кампанентаў трансмісіі, запатрабаваных у прадпрыемстваў партнёраў. Прапрацоўваюцца і іншыя перспектыўныя напрамкі.
У прыватнасці, завод з Гродна можа стаць пастаўшчыком лакалізаваных аўтакампанентаў для зборачных вытворчасцей легкавых аўто ў Беларусі. Вядуцца работы па выпрабаванні, сертыфікацыі прадукцыі для аўтавытворцаў з Карэі і Германіі, чые зборачныя магутнасці знаходзяцца на тэрыторыі Расіі.
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…