ЗША заклікаюць Літву і Беларусь падтрымліваць дыялог у пытанні аб Беларускай АЭС, якая будуецца ў Астраўцы. Прычым ЗША нават маглі б пастаўляць для яе паліва, заявіла намесніца міністра энергетыкі ЗША Рыта Барануол.
«ЗША заклікаюць Літву і Беларусь працягваць зносіны і захаваць празрыстасць. Я б сказала, што рэактары ВВЭР, падобныя да ўсталяваных на БелАЭС, бяспечна працуюць у свеце. У будучыні паліва збольшага маглі б пастаўляць і амерыканскія пастаўшчыкі паліва. Гэта ўжо робіцца на некаторых электрастанцыях у свеце «, — сказала Барануол ў панядзелак агенцтву BNS.
Раней міністр энергетыкі ЗША Рык Пэры, які знаходзіцца з візітам у Вільнюсе, заявіў, што Літва павінна мець зносіны з МАГАТЭ і Беларуссю з нагоды БелАЭС у Астраўцы. ЗША не будуць удзельнічаць у перамовах па гэтым пытанні, паведамляе interfax.by.
«Так, мы гэта абмяркоўвалі. Я думаю, што ўсе асцярогі з нагоды атамнай станцыі, — калі дазволіце, паўтару іх ацэнкі, я там не быў, не паглыбляўся ў гэта, таму паўтару тое, чым падзяліўся прэзідэнт (Літвы — ІФ) і іншыя. Ёсць асцярогі з нагоды бяспекі электрастанцыі ў працэсе будаўніцтва «, — сказаў Пэры на прэс-канферэнцыі ў панядзелак, адказваючы на пытанне агенцтва BNS.
«Ёсць МАГАТЭ, і роля гэтага агенцтва — забяспечыць, каб такія аб’екты адпавядалі міжнародным стандартам», — адзначыў ён.
«Не ў нашых мэтах весці перамовы аб будаўніцтве атамнай станцыі ў Еўропе, і я б сапраўды пакінуў бы гэта лідэрам краіны, і ў вядзенні перамоваў з беларусамі і МАГАТЭ», — дадаў Пэры.
Пасля сустрэчы з Пэры літоўскі прэзідэнт Гітанас Наўседа выказаў надзею Літвы на тое, што «ЗША актыўна ўступяць у дыялог з Беларуссю з мэтай забеспячэння бяспекі БелАЭС».
«Гэтая электрастанцыя ўяўляе і небяспеку гібрыдных пагроз у рэгіёне Балтыйскіх краін, таму вельмі важна, каб ЗША звярнулі ўвагу на бяспеку і захаванне дэмакратычных каштоўнасцяў у Еўропе», — адзначыў прэзідэнт.
Урад Літвы сцвярджае, што БелАЭС, якая знаходзіцца ў 50 кіламетрах ад Вільнюса, будуецца без захавання стандартаў бяспекі і экалогіі. Менск гэтыя абвінавачванні катэгарычна адхіляе.
Маргарыту Ясевіч, што родам з Ліды, судзілі паводле ч. 1 і ч.2 арт. 361-4 КК…
Недалёка ад Ваўкавыска, паміж вёскамі Лічыцы, Калантаі і Скураты, на мясцовых могілках разбураецца ўнікальная 400-гадовая…
Ва Украіне ў палон трапіў 40-гадовы ўраджэнец Гродзенскай вобласці Руслан Гудач, які ваяваў у складзе…
У Гродне індывідуальны прадпрымальнік выкінуў будаўнічыя адходы ў кантэйнер для буйнагабарытнага смецця на вуліцы Каханоўскага…
У 2020 годзе гендырэктарам ведамства прызначылі Віктара Жука. Цяпер у графе "Генеральны дырэктар" на сайце…
У Лідзе ў снежні пройдуць адразу два гастранамічныя фестывалі: «Посныя традыцыі» з 8 па 14…
