«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах

Родныя настаўніцы, якая загінула падчас лютаўскіх падзей, патрабуюць больш жорсткага пакараньня для абвінавачанага, чым гэта прадугледжвае Крымінальны кодэкс.

«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах
Суд Стаўпецкага раёну Менскай вобласьці, 19 жніўня 2019 году

Суд па справе аб падвойным забойстве ў стаўпецкай школе пачаўся ў судзе Стаўпецкага раёну аб 11 гадзіне, піша svaboda.org. Прыкладна за гадзіну да пачатку каля будынку пачалі зьбірацца дзяржаўныя і незалежныя журналісты. Абвінавачанага прывезьлі загадзя, самым ранкам.

Пацярпелымі на працэсе пакуль прызнаныя толькі два чалавекі — муж загінулай настаўніцы Марыны Пархімовіч —​ Вячаслаў і бацька забітага 11-клясьніка Аляксандра Раманава — Сяргей.

Вадзіма М. абвінавачваюць у злачынствах, прадугледжаных · ч. 3 арт. 339 (хуліганства з выкарыстаньнем зброі), · пп.1, 6, 13 ч. 2 арт.139 (забойства дзьвюх і больш асобаў з асаблівай жорсткасьцю з хуліганскімі матывамі), · ч.1 арт.14 (замах на злачынства) і · пп.1, 6, 10, 13 ч. 2 арт. 139 (забойства дзьвюх і больш асобаў з асаблівай жорсткасьцю з хуліганскімі матывамі і забойства асобы ў сувязі з выкананьнем ёй службовых абавязкаў).

«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах
Абвінавачаны Вадзім М.

Судзьдзя менскага абласнога суду разам з сакратаром прыехаў прыкладна за 40 хвілін да пачатку працэсу.

«Сёньня пачынаюць яго судзіць? Думаю, гэта ўсё настаўнікі вінаватыя. Такая бяда», — так абмяркоўвалі ў фае пачатак працэсу наведнікі стаўпецкага суду.

«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах
Сястра, муж і сын забітай настаўніцы Марыны Пархімовіч

«Больш за 10 гадоў яму не дадуць»

Маці Вадзіма М. (зьлева) і родныя загінулай настаўніцы Марыны Пархімовіч
Маці Вадзіма М. (зьлева) і родныя загінулай настаўніцы Марыны Пархімовіч

«Я нічога ад суду не чакаю, — сказаў муж загінулай настаўніцы Вячаслаў Пархімовіч. — Нічога яму ня будзе. Тое, што ён нарабіў, і пакараньне — яно неадэкватнае. Артыкулы абвінавачваньня нармальныя, але яму ня могуць прысудзіць больш за 10 гадоў. Павінна быць пажыцьцёвае зьняволеньне. Ужо вядома, што 8–10 гадоў, больш яму не дадуць». [Падлетку могуць прызначыць пакаранне да 15 год зняволення, улічваючы, што абвінавачваюць яго адразу ў некалькіх асабліва цяжкіх злачынствах (забойства і замах на забойства) – рэд. HL].

Архіўнае фота. На пахаваньні настаўніцы Марыны Пархімовіч. 13 лютага 2019 году
Архіўнае фота. На пахаваньні настаўніцы Марыны Пархімовіч. 13 лютага 2019 году

Разам зь ім на працэс прыйшлі сястра Марыны Пархімовіч Алена і яе сын Антон. Яны падалі хадайніцтва аб прызнаньні пацярпелымі. Калі судзьдзя яго задаволіць, то ім таксама дазволяць прысутнічаць на паседжаньнях.

«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах
Пракурор

 «Пра сапраўдныя матывы мы ня ведаем нічога, — сказаў сын загінулай настаўніцы Антон Пархімовіч. — Спадзяюся, нам пра іх у судзе раскажуць. А магчыма, што і не даведаемся ніколі. Напачатку нам сказалі, што мы ня зможам прысутнічаць на судзе, толькі мой бацька. Сёньня мы прыйшлі з хадайніцтвам. Сёньня яго будуць разглядаць. Магчыма, нам дазволяць».

Сын, сястра і муж забітай настаўніцы Марыны Пархімовіч
Сын, сястра і муж забітай настаўніцы Марыны Пархімовіч

На погляд родных загінулай, самыя вялікія пытаньні выклікае закрытасьць працэсу. Афіцыйна яе тлумачаць тым, што абвінавачанаму на момант зьдзяйсьненьня злачынства не было 18 гадоў. А таксама — што падчас працэсу будуць разгалошаныя зьвесткі пра стан яго здароўя. Ніхто з пацярпелых зрабіць суд закрытым не прасіў. Наадварот.

«Чаму суд закрыты, — кажа сястра загінулай настаўніцы Алена. — У маёй маці пастаянна пытаньне, чаму нікога не пускаюць. Значыць, хаваюць нешта? Я не магу ёй патлумачыць, чаму суд закрыты».

«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах
Бацькі Вадзіма М.

«Ходзяць чуткі, што яго цкавалі ў школе»

Абвінавачаны Вадзім М.
Абвінавачаны Вадзім М.

Сына загінулай настаўніцы абурае найперш тое, што абвінавачаны ў выпадку прызнаньня яго вінаватым зможа выйсьці на свабоду праз адносна невялікі тэрмін.

«Такое адчуваньне, што ён мэтанакіравана ішоў забіваць людзей, — кажа сын загінулай настаўніцы. — Для яго гэта было як забава. Як кветкі на клюмбе рэзаць. Ён жа ня едучы на аўтамабілі забіў, не выпадкова. Пасьля суду, калі нам нешта скажуць пра яго рэальныя матывы, я ўсё раскажу. Факт, што праз восем гадоў гэты чалавек будзе хадзіць па вуліцах. Ходзяць чуткі, што яго цкавалі ў школе. Праз восем гадоў вы ў чарзе недзе яму на нагу наступіце, а ён за кутом вас дагоніць, і вы „ляжаце“. Думаеце, восем гадоў яго выправяць?»

«Я нічога ад працэсу не чакаю»

Акрамя родных Марыны Пархімовіч, на працэс таксама прыйшлі бацька загінулага 11-клясьніка Аляксандра Раманава і бацькі абвінавачанага. Нейкі час яны чакалі пачатку працэсу побач з пацярпелымі, размаўляць з журналістамі ня сталі.

«Павінна быць пажыццёвае зняволенне». Пачаўся працэс аб падвойным забойстве ў школе ў Стаўбцах
Бацька загінулага 11-клясьніка Сяргей Раманаў

 «Я нічога ад працэсу не чакаю. І так усё зразумела, — сказаў Свабодзе бацька загінулага 11-клясьніка. — Ці буду задаволены працэсам, пакуль не магу сказаць. Я ж ня ведаю, чым ён скончыцца. Зьбіраюся хадзіць на ўсе паседжаньні. Колькі дадуць абвінавачанаму, мне ўсё адно. Пакараньне будзе неадпаведным таму, што ён нарабіў».

Колькі працягнецца разгляд справы, пакуль невядома. На працэс у якасьці сьведак будуць выклікаць настаўнікаў і вучняў школы, дзе здарылася трагедыя. А таксама іншых асобаў, якіх апытвалі супрацоўнікі Сьледчага камітэту падчас сьледзтва.

Бацька забітага школьніка Сяргей Раманаў
Бацька забітага школьніка Сяргей Раманаў

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: