«Цэнтр новых ідэй» склаў рэйтынг беларускіх гарадоў паводле трох асноўных паказнікаў: дэмаграфічная ўстойлівасць, стан эканомікі і якасць жыцця. Першыя тры месцы атрымалі Мінск, Гродна і Брэст. У Гродна найлепшыя паказнікі ў краіне па дэмаграфіі і найбольшая колькасць лекараў.
Даволі чакана, што Мінск заняў першае месца, але больш увагі павінна быць прысвечана Гродну, якое аказалася нечакана блізка да сталіцы, піша ideaby.org. Дэмаграфічна Гродна — найлепшы горад у Беларусі. Яго насельніцтва наймаладзейшае і нараджае найбольш дзяцей, тут нізкая злачыннасць, гэта другі студэнцкі горад у Беларусі з найбольш колькасцю дактароў адпаведна колькасці жыхароў. У меншай ступені гэта ўсё можна сказаць пра Брэст. Аднак стан эканомікі Мінска ў параўнанні з усімі іншымі гарадамі настолькі добры, што кампенсуе ўсе страты, Гродна па гэтай пазіцыі сыходзіць уніз.
У агульным рэйтынгу беларускія гарады размеркаваліся так: Мінск, Гродна, Брэст, Салігорск, Гомель, Віцебск, Наваполацк і Магілёў. Замыкаюць дзясятку Мазыр, Пінск і Ліда. Для даследавання выкарыстоўваліся дадзеныя Белстату.
У рэйтынг увайшлі толькі тыя гарады, якія маюць больш за 100 тысяч чалавек, — у іх жыве больш за палову беларускага насельніцтва і яны з’яўляюцца значнымі паліт-эканамічнымі акторамі. Пры тым фактар экалогіі не быў паказаны, бо афіцыйныя дадзеныя надта расплывістыя, але паўплываў на вынікі для Мазыра і Наваполацка.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…