35-гадовы гродзенец падманам забраў у дзвюх жанчын больш за 15 тысяч долараў. Яго маёмасць, у тым ліку квадрацыкл, набыты на чужыя грошы, арыштавалі. Зараз Следчы камітэт шукае іншых ахвяр Ігара Уладзіміравіча Харчанкі, які падазраецца ў махлярстве, здзейсненым паўторна ў буйным памеры.
З заявай аб здзяйсненні злачынства ў органы ўнутраных спраў звярнулася жыхарка Гродна. З лістапада 2018 года па красавік 2019 года, злоўжываючы яе даверам, мужчына выкраў амаль 2300 даляраў ЗША і планшэт коштам 200 даляраў ЗША.
Падобным чынам ён у перыяд са жніўня па лістапад 2014 года выкраў больш за 13 тысяч долараў ЗША яшчэ ў адной жыхаркі Гродна.
— Падазраваны раней прыцягваўся да крымінальнай адказнасці, сталага месца працы не мае. У мэтах забеспячэння кампенсацыі нанесенай ім шкоды і маёмасных спагнанняў накладзены арышт на маёмасць, у тым ліку на квадрацыкл, набыты за выкрадзеныя грошы, — паведаміў афіцыйны прадстаўнік УСК па Гродзенскай вобласці Сяргей Шаршаневіч.
Акрамя высвятлення фактычных абставінаў злачынстваў, следчыя сумесна з аператыўнікамі працягваюць выяўляць грамадзян, якія маглі пацярпець ад дзеянняў падазраванага.
Звяртацца з адпаведнымі заявамі можна па тэлефонах: (8−015) 72−41−39, 72−40−40 або 102.
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…