У Гродне прэзентавалі кнігу пра Давыда Гарадзенскага

Кнігу «Давыд Гарадзенскі. Герой і легенда» напісаў Мікалай Малішэўскі і прэзентаваў яе ў Гродне 10 ліпеня. Яна адрасавана шырокаму колу чытачоў і раскрывае паходжанне, біяграфію і гібель Давыда Гарадзенскага.

Кніга выйшла накладам 90 асобнікаў у выдавецтве «ЮрСаПрынт». Там жа можна купіць кнігу.

— Давыд Гарадзенскі цяпер вядомы ўсім гродненсцам і шматлікім беларусам. Ёсць шэраг публікацый аб ім у асноўным у артыкулах, у энцыклапедыях. І ў той жа час ні адной кнігі, на жаль, прысвечанай гэтаму чалавеку, не было ні ў дасавецкі, ні ў савецкі, ні ў постсавецкі час, — тлумачыць жаданне напісаць кнігу аўтар. — Фармальна лічылася, што вельмі мала крыніц. Але крыніц даволі шмат.

Мікалай Малішэўскі выкарыстаў больш за 70 крыніц, у асноўным еўрапейскіх. У тым ліку і дакументы з часу героя. Напрыклад, ліст князь Мазавецкі са скаргамі на Давыда Гарадзенскага Папе Рымскаму, які быў напісаны ў 1324 годзе — за два гады да гібелі палкаводца.

Аўтар кажа, што ёсць некаторыя сведчанні, хоць і сумнеўныя, што ў Давыда Гарадзенскага засталіся нашчадкі - па меншай меры, адзін сын. Хоць лічыцца, што яго дзяцей забілі крыжакі.

Плануецца перавыданне кнігі, у якім будуць крыніцы, спасылкі, заўвагі, яшчэ адзін падзел, дакументы і ілюстрацыі.

Давыд Гарадзенскі (1289−1326) — дзяржаўны дзеяч і палкаводзец Вялікага княства Літоўскага, адзін з галоўных ваеначальнікаў вялікага князя літоўскага Гедыміна, каштэлян гродзенскі. Ні разу не меў паразы ў бітвах з крыжакамі.